काठमाडौं । नेकपा (एमाले)का अध्यक्ष केपी शर्मा ओलीले प्रधानमन्त्री पुष्पकमल दाहाल ‘प्रचण्ड’को अभिव्यक्तिले राष्ट्रियतामाथि मजाक उडाएको बताएका छन् ।
स्ववियु काउन्सिलको राष्ट्रिय भेलामा उनले प्रीतम सिंह दिल्ली नै नगएको भन्दै उनलाई बेकारमा मुछेको र प्रधानमन्त्रीले झुट बोलेको आरोप लगाए ।
उनले भारतले पनि प्रधानमन्त्रीबारे केही नभनेको भन्दै भारतलाई मुछ्ने काम भएको बताए । उनले आफूहरूले राजीनामा माग्दा सत्ता गठबन्धनले संसद्मा नै सामना गर्ने भनेको को हो भन्दै प्रश्न गरे ।
“उहाँहहरूले के का लागि पार्लियामेन्टमै सामना गछौँ भनेको हो ? उहाँहरूले वार्ता गछौँ, समस्या समाधान गछौँ भन्नुभएन । पार्लियामेन्टमा सामना गरिन्छ भन्नुभयो,” ओलीले भने ।
उनले एमाले संसद्मा मात्रै होइन जहाँ बोलाए त्यही जाने जवाफ समेत दिए । “प्रतिपक्षको तर्फबाट म मसिनो स्वरमा नम्रताका साथ भन्न चाहन्छु, सत्ता पक्ष पार्लियामेन्टमा मात्रै होइन जहाँ भन्छ त्यहाँ हामी तयार छौँ,” उनले भने, “स्पष्ट तोकेर बोलाए हुन्छ । त्यहाँ हामी पुग्न तयार छौँ ।”
-1714291811.jpg)
