काठमाडौं । नेपाली कांग्रेसका सांसद ज्ञानेन्द्रबहादुर कार्कीले वर्तमान सत्ता गठबन्धनमा भ्रम छरेर मुलुकलाई द्विविधामा राख्न नहुने बताएका छन् ।
मंगलबार संसद् भवनबाहिर सञ्चारकर्मीहरूसँग कार्कीले वर्तमान सत्तँ गठबन्धन पाँच वर्ष नै चल्ने र अहिले गठबन्धन लयमा रहेको बताए । उनले यही गठबन्धनले पाँच वर्षमा देशलाई राजनीतिक स्थिरता दिएर मुलुकलाई आर्थिक दिशामा अग्रसर गराउनुपर्ने बताए ।
उनले इतिहासले दिएको जिम्मेवारी र जनताको चाहनाअनुसार गठबन्धन चलिरहेको पनि बताए ।
"अहिले हामीले जुन गठबन्धन बनाएका छौँ, यो गठबन्धनलाई ५ वर्ष, केवल सरकार चलाउन, यो गठबन्धन जुन उद्देश्यका साथ निर्माण भएको थियो, बिचमा अलिकति गडबढ पनि भयो । अहिले ठिक ट्रयाकमा छ । यही गठबन्धनले ५ वर्षमा देशलाई राजनीतिक स्थिरता दिएर मुलुकलाई आर्थिक दिशामा अग्रसर गराउनुपर्छ," उनले भने ।
सांसद कार्कीले इतिहासले दिएको जिम्मेवारीअनुसार नै सरकारले काम गरिरहेको दाबी गरे ।
