देश
काठमाडौं । बर्दिया र रुपन्देहीमा करेन्ट लागेर दुईजनाको मृत्यु भएको छ ।
मधुवन नगरपालिका–१, कैलाशी गाउँ बस्ने १९ वर्षीय सुदिप थारुको सोमबार साँझ मृत्यु भएको हो । सोही ठाउँस्थित आफ्नै दाजुको घरमा विद्युत्को लाइन तान्ने क्रममा करेन्ट लागेर घाइते भएका उनको बर्दिया अस्पतालमा उपचारको क्रममा मृत्यु भएको हो ।
त्यस्तै, रूपन्देहीको गैडहवा गाउँपालिका–४, पोहवा बस्ने २८ वर्षीया उमिना पासिको करेन्ट लागेर सोमबार साँझ मृत्यु भएको छ ।
आफ्नै घरमा रहेको फलामको पाइपमा छुँदा करेन्ट लागेर घाइते भएकी उनको भीम अस्पताल भैरहवामा उपचारको क्रममा मृत्यु भएको प्रहरीले जानकारी दिएकोे छ ।
प्रकाशित मिति: मंगलबार, असार १२, २०८० १६:२२
प्रतिक्रिया दिनुहोस्