काठमाडौं । काठमाडौं महानगरपालिकाले मैतीदेवीमा रहेको एफडीएच क्लिनिकमा ताला लगाएको छ । मापदण्डविपरीत क्लिनिक सञ्चालन गरिएको भन्दै आज महानगरपालिका स्वास्थ्य विभागले ताला लगाएको हो ।

तर, क्लिनिक सञ्चालक डा. दिलजन मन्सुरले आफूहरूले क्लिनिक निरीक्षणका लागि पटकपटक अनुरोध गर्दा पनि महानगरले नगरेको तर आज अकस्मात् ताला लगाएको बताएका छन् । 

उनका अनुसार क्लिनिक सञ्चालनका लागि महानगरपालिको स्वास्थ्य विभागमा निवेदन दर्ता गरिएको छ ।

अनुमतिपत्र नै नलिएर क्लिनिक चलाइएको महानगरको भनाइ छ । महानगरले डाक्टरको योग्यतामाथि पनि प्रश्न उठाएको छ । साथै बिरामीले पनि महानगरमा गुनासो गरेको बताइएको छ ।