काठमाडौं । अर्थमन्त्री डा. प्रकाशशरण महतले व्यवसायीले मूल्य अभिवृद्धि कर (भ्याट)लाई नरुचाएको बताएका छन् । नेपाल उद्योग परिसंघको २०औँ वार्षिक साधारण सभामा उनले अन्य शीर्षकमा कर बढाउन र भ्याट हटाउन व्यवसायीले सुझाव दिने गरेको बताए । 

"व्यावसायीहरूले बरु अरू कर लगाइदिनुस् यो भ्याटको झन्झट नभिराउनुस् भन्न थाल्नुभएको छ," उनले भने, "यो नयाँ सिस्टम हो । यसमा सबै जानुपर्छ । हामीले बढी कर लगाएका हैनौँ । यसलाई ठूलो विषय नबनाऔँ । सरकारको नियम पालना गरौँ । यो पारदर्शी छ ।" 

उनले भ्याट समस्या नभएको पनि बताए ।