काठमाडौं । आईसीसी क्रिकेट विश्वकप छनोटमा नेपालविरुद्ध वेस्ट इन्डिजका कप्तान साई होपले अर्धशतक बनाएका छन् ।

जिम्बाब्वेको राजधानी हरारेस्थित हरारे स्पोर्ट्स क्लबमा टस हारेर ब्याटिङमा आएको वेस्ट इन्डिजका लागि कप्तान होपले ७३ बलमा ५ चौका र एक छक्कासहित ५० रन पूरा गरे । एकदिवसीय अन्तर्राष्ट्रिय क्रिकेटमा होपको यो २३औं अर्धशतक हो ।

९-२ को कठिन अवस्थामा ब्याटिङका लागि आएका होपले हाल निकोलस पुरन ७६ रनको साझेदारी गर्दै टिमको इनिङ उकासिरहेका छन् । होपलाई साथ दिइरहेका पुरनले ४० रन बनाएका छन् ।

होपले यसअघि तेस्रो विकेटका लागि पनि जोन्सन चाल्र्ससँग ४६ रनको साझेदारी गरेका थिए । जारी खेलको २७ ओभर समाप्त हुँदा वेस्ट इन्डिजले तीन विकेट गुमाएर १३१ रन बनाएको छ ।

एकदिवसीय अन्तर्राष्ट्रिय क्रिकेटमा नेपाल र वेस्ट इन्डिजबीचको यो पहिलो खेल हो । नेपालले अन्तर्राष्ट्रिय क्रिकेटमा विश्वकप विजेतासँग खेल्न लागेको पनि यो पहिलोपटक हो ।

छनोटमा नेपालको यो तेस्रो खेल हो । नेपालले यसअघि पहिलो खेलमा जिम्बाब्वेसँग आठ विकेटले पराजय बेहोर्दा दोस्रो खेलमा भने अमेरिकाविरुद्ध ६ विकेटको जित दर्ता गरेको थियो ।

यता, वेस्ट इन्डिजको भने छनोटको यो दोस्रो खेल हो । वेस्ट इन्डिजले यसअघि पहिलो खेलमा अमेरिकाविरुद्ध ३९ रनको जित निकालेको थियो ।