काठमाडाैं । टाटा मोटर्सले नेपालमा आफ्ना विद्युतीय गाडी (ईभी)काे फाइनान्सिङ्ग सुविधा सहजै उपलब्ध गराउने भएकाे छ ।

टाटा मोटर्सकाे नेपालका लागि आधिकारिक विक्रेता सिप्रदी ट्रेडिङ्गले आफ्ना ईभी किन्न चाहने ग्राहकका लागि छिटाे, सरल र सहज गाडी फाइनान्सिङ्गको सुविधा ल्याएको बताएकाे हाे ।

कम्पनीले नेपालभरका जुनसुकै सिप्रदी तथा सिप्रदीका आधिकारिक डिलरसिपबाट याे सेवा उपलब्ध हुने बताएकाे छ ।

विगत दुई वर्षदेखि नेपाली बजारले सर्वाधिक रुचाएको नेक्सन ईभी र टिगोर ईभी गाडीको ८० प्रतिशतसम्म फाइनान्सिङ्ग अब तीन दिनभित्रै हुने कम्पनीले बताएकाे हाे ।

याे फाइनान्सिङ्ग सेवा नेपालभरका जुनसुकै 'क' वर्गका बैंकबाट १०.०५ प्रतिशतको न्यूनतम ब्याजदरमा उपलब्ध हुने कम्पनीकाे भनाइ छ ।

टाटा मोटर्सका ईभीको छिट्टो तथा सरल गाडी फाइनान्सिङ्ग सुविधा एभरेष्ट बैंक, नबिल बैंक, एनएमबि बैंक, ग्लोबल आईएमई बैंक तथा प्रभु बैंकबाट लिन सकिने कम्पनीकाे भनाइ छ ।

टाटाले नेपाली बजारमा सबैभनदा ठूलाे ईभी मार्केट बनाएकाे छ । कम्पनीले विभिन्न २० स्थानमा फास्ट चार्जिंग स्टेसन र २३ स्थानमा सर्भिस सेन्टर विस्तार भइसकेको बताएकाे छ ।