विराटनगर । कोसी प्रदेश सरकार र पहिचानवादीबीच वार्ता जारी छ । प्रदेश राजधानी विराटनगरस्थित बिग होटेलमा वार्ता भइरहेको जनाइएको छ ।

कोसी प्रदेश नाम खारेजको माग गर्दै पहिचान पक्षधर आन्दोलित छन् । वार्तामा सरकार पक्षबाट सिँचाइ, खानेपानी तथा स्वास्थ्यमन्त्री तिलकुमार मेयाङबोको संयोजकत्वमा उद्योग, कृषि, सहकारी तथा पूर्वाधारमन्त्री भक्तिप्रसाद सिटौला र सामाजिक विकासमन्त्री बुद्धिकुमार राजभण्डारी सहभागी छन् ।

यस्तै, पहिचान पक्षधरबाट गोविन्द आङबुङ, युवराज राई, रामभक्त कुरुम्बाङ, लाक्पा शेर्पा, गेल्जे शेर्पा, कुमार लिङदेन, रमेश राई, कृष्ण चोङबाङ, प्रेम मिभक र पदम जवेगुलगायत अगुवा सहभागी छन् । 

गएको फागुन १७ गते प्रदेशसभाले प्रदेशको नाम ‘कोशी’ राखेपछि पहिचानका आधारमा पुनः नामांकनको माग गर्दै उनीहरूले आन्दोलन गरिरहेका छन् ।