घोटिइसकेपछि माटाको डल्लो
कुमालेको चक्रमा
बन्छ घैला, प्याला या फूलदानी
लिन्छ मूर्त आकार
अनि पाउँछ नयाँ जीवन
र
हुन्छ पुनर्जागरण सिर्जनाको

एउटा अबोध मस्तिष्क
उडाउँदै मनभरि चंगा
अक्षर, चित्र अनि शब्दहरूका
पुग्न खोज्छन् दूर क्षितिज
भरेर आकांक्षाका अडानहरू
आकाशिन्छन् रहर
र
चलायमान बन्छन् कल्पना

झुलाउन खोज्छन्
भाग्यका बाला
र
छर्न खोज्छन्
सिर्जनाको सुगन्ध
खुसीका पटांगिनीमा
बनेर सुनाखरी र गुलाफ ।

(तिलोत्तमा, रुपन्देही)