काठमाडौं । नक्कली भुटानी शरणार्थी प्रकरणका आरोपित टोपबहादुर रायमाझीलाई सोमबार जिल्ला सरकारी वकिलको कार्यालय काठमाडौंमा लगिएको छ । पूर्वउपप्रधानमन्त्री रायमाझीलाई प्रारम्भिक बयानका लागि सरकारी वकिलको कार्यालयमा लगिएको हो ।

त्यहाँबाट उनलाई काठमाडौं जिल्ला अदालतमा लगिनेछ । अदालतबाट हिरासतमा राखेर अनुसन्धान गर्नका लागि म्याद थप गरिनेछ ।

सरकारी वकिलको कार्यालयमा पुर्‍याइँदा उनी मुस्कुराइरहेको अवस्थामा देखिए । उनले हात हल्लाएर उपस्थित व्यक्तिलाई अभिवादन समेत गरे ।

रायमाझीलाई आइतबार प्रहरीले काठमाडौंकै बूढानीलकण्ठबाट पक्राउ गरेको थियो ।

थप तस्बिर हेर्नोस्–