site stats
बाह्रखरी :: Baahrakhari
विचार
Nabil BankNabil Bank
Sarbottam CementSarbottam Cement
सब ठीकठाक बा !

केही दिनअघिमात्रको कुरा हो । स्थानीय एउटा छापाखानाका साहुजी रमेश मलाई भेट्न आएका थिए । औपचारिकतावश हालखबर सोध्दा भने- “सब ठीकठाक बा !”। तर, उनको अनुहारमा बाह्र बजेको थियो । कुरोको चुरो बुझ्न खोज्दा उनले मनको बह पोखे - “प्रेसको काम खासै चलेको छैन । बैंकको ब्याज र स्टाफको खर्च तिर्नसम्म जेनतेन भ्याएको छु । धन्न, आफ्नै मकानमा प्रेस छ । अन्यथा त्यसको भाडाको भार थपिन्थ्यो । एउटा सानो जग्गा छ, त्यो बेच्न सकेको भए पनि बैंकको चर्को ब्याजबाट मुक्ति पाउने थिएँ । तर, खै ! कुनै भाउमा पनि किन्ने मान्छे भेटेको छैन । घरखर्च कसरी धान्ने भनेर कुनै जुक्ति फुर्न सकेको छैन । बस एतने समस्या बा । ना त, औरी सब ठीकठाक बा ।” 

“बस एतने समस्या बा । ना त, औरी सब ठीकठाक बा !” - सुनेर म सोच्न बाध्य भए।कुनै जवाफ नै फुरेन । दुई दिनअगाडि एक जना युवकले पनि यिनै शब्दावली प्रयोग गरेका थिए । वास्तवमा उनी काम खोज्दै मकहाँ पाइपुगेका थिए । कुरो गर्दै जाँदा थाहा भयो - उनले दस वर्षदेखि आफ्नै स्टेसनरी पसल चलाउँदै आएका छन् । तर अचेल पसल घाटामा छ ।

Prabhu Bank
Agni Group
NIC Asia

मैले कारण जान्न खोज्दा उनले मुख बिगार्दै कुरो खुलाए - “लगानी के कुछ भाग कोरोनाकाल मे स्वाहा हो गइल, कुछ भाग बैंक के दोब्बर ब्याज मे । साहुहरूलाई पुरानै उधारो भुक्तानी गर्न सकिएको छैन, नयाँ मालसामान कसरी पाउनु ?  बजारमा भंसार चोरीका मालसामान पनि त्यत्तिकै फालाफाल छन् । घरबेटीलाई पसलको भाडा नतिरी सुखै भएन । घरपरिवारको खर्च नै धान्न अप्ठेरो भयो । बस यही समस्या छ, अरू सबै ठीकठाक छ ।” 

“मकहाँ त ठाँउ खाली छैन । अन्यत्र कतै कुनै व्यवस्था लाग्यो भने भन्छु” - उनलाई रित्तो आश्वासनबाहेक मैले केही दिन सकिन । “खै, के भन्ने ? बीसौं ठाउँमा धाई सकेँ । सबैजना यस्तै जबाफ फर्काउँछन् । कुनै सीप नलागे म पनि कुनै खाडी मुलुकतिर हिँड्ने छु ।” भन्दै ऊ हिड्यो ।
 

Global Ime bank

NIBLNIBL
प्रकाशित मिति: आइतबार, वैशाख ३१, २०८०  ११:४२
Sipradi LandingSipradi Landing
worldlinkworldlink
प्रतिक्रिया दिनुहोस्
Dish homeDish home
Ncell Side Bar LatestNcell Side Bar Latest
Bhatbhateni IslandBhatbhateni Island
cg detailcg detail
Kumari BankKumari Bank
Shivam Cement DetailShivam Cement Detail
Maruti cementMaruti cement