site stats
बाह्रखरी :: Baahrakhari
देश
Nabil BankNabil Bank
‘जिउँदो सहिद’ मुकेश कायस्थको निधन
Sarbottam CementSarbottam Cement

काठमाडौं ।  दोस्रो जनआन्दोलन २०६२/०६३ का क्रममा घाइते ‘जिउँदो सहिद’ मुकेश कायस्थको आज निधन भएको छ ।

१७ वर्षदेखि अचेत अवस्थामा रहेका मुकेश कायस्थलाई स्वास फेर्न गाह्रो भएपछि गत सोमबार बनेपास्थित शिर मेमोरियल अस्पतालमा भर्ना गरिएको थियो ।

मंगलबार स्वास्थमा केही सुधार आएको बताएपनि आज (बुधबार) राति ८ बजे निधन भएको अस्पतालले जानकारी दिएको मुकेश कायस्थ प्रतिष्ठानका अध्यक्ष हिरा शर्मा नेपालले बाह्रखरीलाई बताए ।

Prabhu Bank
Agni Group
NIC Asia

२०६२/०६३ को १९ दिने जनआन्दोलनका क्रममा बनेपामा निकालिएको जुलसमा सहभागी भएका मुकेश प्रहरीले चलाएको गोली लागेर घाइते भएका थिए । उनको कन्चटमा चोट लागेको थियो ।  

मुकेश कक्षा आठको जिल्लास्तरीय परीक्षा सकेर साथीभाइसँगै जुलुसमा होमिएका थिए । मुकेश गोली लाग्दा १४ वर्षका थिए ।

Global Ime bank

वीर अस्पतालमा ११ महिना उपचार गराएर मुकेशलाई २०६३ फागुन ११ गते घर ल्याइएको थियो । बायाँ कञ्चटमा गोली लागेर घाइते भएका मुकेशले तीन हप्तापछि मात्रै आँखा खोले ।

त्यो बेला मुकेशले तीन महिनामा अलि राम्रोसँग हेर्न, पाँच महिनामा देब्रे हातको पञ्जा सामान्य चलाउन र ६ महिनामा सिरानीमामात्रै मुन्टो हल्लाउन सकेका थिए । घर ल्याएको एक हप्तामा नै थप उपचारका लागि पुनः न्युरो अस्पताल, बाँसबारी लगियो ।

त्यहाँ सातमहिना राखेर उपचार गरियो । छोरोको स्वास्थ्यमा कुनै परिवर्तन हुन्छ कि भनेर मेडिसिटी, अन्नपूर्ण, न्यूरो, स्पार्क हेल्थ होमलगायतका विभिन्न अस्पतालमा लगेर परीक्षण, फिजियोथेरापी गराए ।

२०७६ सालमा मस्तिष्कको नसाले काम नगरेपछि अप्रेसन गरेपनि बोल्न र खान सकेन । जिउ सुकेर गयो, अलिअलि भएको होस पनि हराउँदै गयो ।

पछिल्लाे चार वर्षदेखि उनको स्वास्थ्य जटिल बन्दै गएको थियो । त्यसपछि मुकेश पूरै अचेत अवस्थामा ओच्छ्यानमै रहे । उनको हेरचाह आमा मीराले गर्दै आएकी थिइन् ।

मुकेश कायस्थको भोलि अन्त्यष्टि गरिने प्रतिष्ठानका अध्यक्ष हिरा शर्मा नेपालले बताए ।

 

 

NIBLNIBL
प्रकाशित मिति: बुधबार, वैशाख २७, २०८०  २३:०५
Sipradi LandingSipradi Landing
worldlinkworldlink
प्रतिक्रिया दिनुहोस्
Dish homeDish home
Ncell Side Bar LatestNcell Side Bar Latest
Bhatbhateni IslandBhatbhateni Island
cg detailcg detail
Kumari BankKumari Bank
Shivam Cement DetailShivam Cement Detail
Maruti cementMaruti cement