site stats
बाह्रखरी :: Baahrakhari
कला
Nabil BankNabil Bank
मिस नेपाल श्रीच्छा अर्थात् जलवायु अभियन्ता
Sarbottam CementSarbottam Cement

काठमाडौं । मिस नेपाल श्रीच्छा प्रधान जो भेटे पनि भनिरहेकी हुन्छिन्– बाहिर जानुस् र लामो सास फेर्नुस् । चराचुरुंगी, जनावर र नदीनालालाई सुनिदिनुस् । “हामी जे गरिरहेका हुन्छौँ, त्यो हामीले होइन, हामी त मात्रै माध्यम हो । सृष्टिको इच्छाविना केही कुरा पनि सम्भव हुँदैन,” उनी भन्छिन् ।

२३ वर्षीया श्रीच्छा जलवायु अभियन्ता समेत हुन् । मिस नेपाल हुनु केही महिनाअघि पढाइ सकेर अमेरिकाबाट नेपाल फर्किएकी हुन् । उनी हँसाउने, जीवजन्तुलाई बुझ्ने र समर्पित तीन शब्दले आफूलाई परिभाषित गर्न रुचाउँछिन् ।

कालीमाटीमा जन्मिएकी श्रीच्छाको बाल्यकाल घरपालुवा कुकुर, खरायो, गाई, चराचुरुंगीको सामीप्यमा बित्यो । घरवरिपरि रुख–बिरुवा पनि टन्नै थिए । श्रीच्छा घरकी एक्लो सन्तान । तर, प्रकृति र जीवजन्तुको सानिध्यले कहिल्यै एक्लो महसुस गरिनन् ।

Prabhu Bank
Agni Group
NIC Asia

Srichchha_Pradhan (2)1686640028.jpg

घर आसपास सानो जंगलजस्तै थियो । मनोरम थियो । सँगैको खोला फोहर देख्दा दिक्क मान्थिन् । बालमानसपटलमा खोलालाई कसरी सफा पार्ने होला भन्ने कौतूहल भइरहन्थ्यो । हजुरबुवा, बुवाले सानोमा त्यही खोलामा पौडी खेलेको बताउँदा श्रीच्छालाई अचम्म लाग्थ्यो ।

Global Ime bank

आमा–बुवासँग हाइकिङ गइरहन्थिन् । सोही क्रममा विष्णुमतीको विष्णुद्वारमा खोला सफा देख्दा अचम्म भएको उनले स्मरण गरिन् । “ओहो, नदीको पानी पनि सफा हुनेरहेछ ! पौडी खेल्न मिल्ने हुने पहिलोपटक त्यहीँ देखेँ,” उनी भन्छिन् ।

अमेरिकामा खोलानदी सफा देखेकी थिइन् । पौडी खेलेकी थिइन् । नेपालका खोलानालामा भएको फोहरले उनलाई सताउँथ्यो । त्यहाँ चार वर्ष अध्ययन गर्दा हरेक दिन नेपालका नदीनाला सफा बनाउने बारे सोचिरहिन् । थेसिसको विषय नै नदीनालाको अधिकारलाई छानिन् ।

उनका हजुरबुवा वन विभागमा कार्यरत थिए । घरको वातावरण पनि सोही खालको थियो । हजुरबुवा (बाजे)सँगको निकटताले उनी वातावरणप्रति बढी संवेदनशील भइन् ।

श्रीच्छा भन्छिन्, “म बाजेबज्यैसँग बढी नै क्लोज थिएँ । रुख–बिरुवा, खोलानाला, पशुपक्षीका कथाहरू, अवस्थाहरू र प्रकारहरू सुन्दै हुर्केँ । मेरो सबैभन्दा नजिकको व्यक्ति पनि बाजे र बज्यै नै हो ।”

Srichchha_Pradhan (3)1686640080.jpg

श्रीच्छा आठ वर्षकै उमेरमा नेपाल टेलिभिजनमा आबद्ध भइन् । त्यहाँ दुई वर्ष चाइल्ड एंकरका रूपमा काम गरिन् । पढ्नमा अब्बल थिइन् । जे काममा हात हाले पनि शतप्रतिशत गर्ने उनको बानी सानैदेखि थियो ।

बूढानीलकण्ठ स्कुलमा होस्टेलमा बसेर पढेकी उनले प्लस टु सकाएर ट्राभल राइडरका रूपमा काम थालिन् । अमेरिका जानुअघिसम्म त्यहाँ काम गरिन् । त्यति बेलासम्म पनि आफूले मेकअप गर्न, हिल जुत्ता लगाउन नजानेको उनी बताउँछिन् ।

अमेरिकामा इन्भाइरोमेन्ट स्टडी एन्ड कम्युनिटी एक्सन विषय लिएर पढिन् । सन् २०२२ मा ब्याचलर सकाएर नेपाल फर्किइन् ।

अमेरिकाको चारवर्षे अनुभव कस्तो रह्यो त ? उनी भन्छिन्, “पहिलोपटक खोलामा पौडी खेल्न पाएँ । अमेरिका बसे पनि मैले सधैँ नेपालकै बारे सोचिरहन्थे । नेपालको संस्कृति र वातावरणका पक्ष समेटेर काठमाडौं पोस्टमा पनि लेखहरू लेख्थेँ । सानैदेखि सफा खोलाको कल्पनालाई नै मैले थेसिसको विषय बनाएँ । पशुपक्षीको हक–अधिकारमा धेरैले बोलेका छन्, तर खोलानालाको अधिकार पनि छ । त्यसको बारेमा जनचेतनाकै लागि थेसिस लेखेँ ।”

८७ वर्षका हजुरबुवाको आग्रहमा उनी मिस नेपालसँग जोडिइन् । “मेरो हजुरबुवाले पत्रिकाको विज्ञापन देखाउनुभयो । मैले पनि काम गरेर देखाउनुपर्ने धेरै थियो । तर, मैले तुरुन्तै भाग लिन्छु भन्न सकिनँ,” उनी भन्छिन्, “मैले अन्तिम दिन मात्रै निवेदन दिएको थिएँ । हजुरबुवाको सल्लाहमा अप्लाई गरेँ ।”

मिस नेपाल भएपछि रातारात सबैले चिन्ने र आफ्नो आवाजलाई धेरैले सुन्ने हुँदा उनले यो अवसर छोड्न चाहिनन् ।

Srichchha_Pradhan (4)1686640101.jpg

श्रीच्छालाई लाग्छ– सौन्दर्य प्रतियोगिता भनेको शरीरको आकार र तौलको मापन मात्र होइन । ज्ञान, अध्यात्म र करुणाको संगम पनि हो ।

मिस नेपालको प्लेटफर्ममार्फत अहिलेको पुस्तामाझ जलवायुबारे चेतना जगाउने उनको उद्देश्य छ । उनले जीवनशैलीमा पनि वातावरणमैत्री भावलाई अँगालेको देखिन्छ । प्लास्टिकको प्रयोग कसरी कम गर्नेदेखि लुगाहरूको पुनः प्रयोग कसरी गर्न सकिन्छ भन्ने बारे उनी सचेत छिन् ।

उनी पूर्वमिस नेपाल शृंखला खतिवडालाई आफ्नो ‘आइडल’ मान्छिन् । शृंखलाको अघिल्ला सामाजिक प्रोजेक्टबाट आफू प्रभावित भएको उनी बताउँछिन् ।

सन् २०१९ देखि दिगो प्रणाली नामक परियोजना चलाइरहेकी छन् । वातावरण संरक्षण, बालशिक्षा, उद्यमशीलतालगायत पक्षलाई जोडेर उनले यो अभियान चलाएकी हुन् । आर्थिक पुनर्संरचनासँगै वातावरणीय संरक्षण गर्ने भन्दै योजना बनाइएको प्रोजेक्ट हो यो ।

Srichchha_Pradhan (5)1686640124.jpg

“यसमार्फत महिला उद्यमशीलताको विकास, वातावरणीय शिक्षा, अल्पसंख्यक, बालबालिका शिक्षा, सबैको सामूहिक प्रभावबारे काम गर्न खोजेको छु,” उनी भन्छिन् ।

उनको जीवनको लक्ष्य नै जनस्तरमा वातावरणसम्बन्धी काम गर्ने हो । यसबाहेक उनको रुचि गीत लेख्नु र गाउनु पनि हो । मिस नेपालको ट्यालेन्ट राउन्डमा पनि गीत गाएर उनले सबैको मन जितेकी थिइन् ।

मिस नेपालमा भाग लिएपछि आफूमा धेरै परिवर्तन आएको उनको अनुभव । श्रीच्छा भन्छिन्, “पहिला धेरैमाझ बोल्न डराउने, आफ्नो कुरा पनि राख्न असहज हुन्थ्यो । प्रशिक्षणको पहिलो दिन आ–आफ्ना कथाहरू सुनाउने थियो, मलाई डर लागेर पछाडि बस्न गएँ । मिस नेपालले ममा आत्मविश्वास, निडर बनायो । साथै, टाइम म्यानेजमेन्ट पनि सिकेँ । मेकअप, हिल र एलिजेन्ट देखिने आइडिया भयो । मेरो जीवनमा मिस नेपालले धेरै कुरा सिकायो ।”

Srichchha_Pradhan (6)1686640157.jpg

मिस नेपाल भएपछि उनी अर्को वर्षको मिस वर्ल्डको तयारीमा जुटिसकेकी छन् । फोहरलाई मोहर बनाउने आफ्नो प्रोजेक्टलाई पनि अगाडि बढाउने उनको सोच छ ।

“नेपाल खासमा धेरै महत्त्वपूर्ण देश हो । यहाँ हिमाल, पहाड र धेरै पानीको मुहान छ,” उनी भन्छिन् ।

अमेरिकामा पढ्दा उनका शिक्षक साल्सगोरवतीले जलवायु परिवर्तनका क्षेत्रमा काम गर्नका लागि नेपाल सबैभन्दा उपयुक्त देश भएको बताएका थिए । यसतर्फ युवापुस्ताले काम गर्नुपर्नेमा उनी जोड दिन्छिन् । “म त जलवायुबारेको सचेतना धेरैमाझ पुर्‍याउने सपनाले नै मिस नेपालमा भाग लिएको हुँ,” उनले सुनाइन् ।

NIBLNIBL
प्रकाशित मिति: मंगलबार, जेठ ३०, २०८०  १२:४५
Sipradi LandingSipradi Landing
worldlinkworldlink
प्रतिक्रिया दिनुहोस्
Dish homeDish home
Ncell Side Bar LatestNcell Side Bar Latest
Bhatbhateni IslandBhatbhateni Island
cg detailcg detail
Kumari BankKumari Bank
Shivam Cement DetailShivam Cement Detail
Maruti cementMaruti cement