site stats
बाह्रखरी :: Baahrakhari
राजनीति
दलको खराब प्रवृत्तिका कारण नयाँ शक्तिको उदय : चित्रबहादुर केसी
फाइल तस्बिर ।

बागलुङ । राष्ट्रिय जनमोर्चाका अध्यक्ष चित्रबहादुर केसीले सत्ताका लागि मरिहत्ते गर्ने दलहरूको खराब प्रवृत्तिका कारण नयाँ शक्ति उदय भएको टिप्पणी गरेका छन् ।

पूर्वउपप्रधानमन्त्री तथा संघीय सांसद समेत रहेका नेता केसीले राजनीतिमा सत्ता र शक्तिबाहेक अरू केही चिन्ता नगर्नेहरूबाट विकासको आस गर्नु गलत भएको बताए ।

Himalayan Bank
Dabur nepal
Agni Group

बागलुङको जैमिनी नगरपालिकाले आज आयोजना गरेको विज्ञ सम्मेलनको उद्घाटनमा नेता केसीले नयाँ शक्ति उदय हुनुको कारण दलप्रतिको वितृष्णा भएको बताए ।

“अस्थिर सरकारले किसान, गरिब तथा निमुखालाई समस्या बनाएको छ । सरकारले विषादीयुक्त तरकारी आयातमा रोक लगाउनुपर्छ । अहिले सरकारले त्यो गर्न सकेको छैन,” नेता केसीले भने, “मान्छेले घर छाडेपछि बाँदर भित्रियो । अहिले बसाइँसराइले गाउँ खाली भएको छ । स्रोत र साधन परिचालनमा विज्ञ सम्मेलनले महत्त्वपूर्ण भूमिका निर्वाह गर्नेछ ।”

Global bank

विज्ञहरूको सुझावका आधारमा कृषि, उद्योग र पर्यटनमा जोड दिन सके समृद्ध जैमिनी बन्नेमा शंका नरहेको बताउँदै नेता केसीले स्थानीय उत्पादन बजारीकरणको जिम्मा लिन आवश्यक रहेको बताए । रासस

प्रकाशित मिति: शनिबार, चैत १८, २०७९  २०:४२
प्रतिक्रिया दिनुहोस्
सम्पादकीय