सानुराजा अञ्जान

तिम्रो मुटु मेरो मन्दिर साथ–साथ रह्यो 
सयौँ जुनी बाँच्ने कुरा आस–आस रह्यो 

उकाली ओराली धेरै यात्रा सँगैसँगै ग¥र्यौँ
नछुट्टिने सयौँ वाचाहरू खात–खात रह्यो 

अँधेरोमै उजेलीको हाम्ले आशा सधैँ राख्यौँ
तिम्रो मुटु मेरो मन्दिर साथ–साथ रह्यो 

आँखा आँखा इशारामा के के कुरा गरे’थ्यो
सुसेली र सुस्केराको बाँकी बात–बात रह्यो 

दिन धुम्मिएको थियो, रात कालो कालो भयो
सयौँ जुनी बाँच्ने कुरा आस–आस रह्यो । 

(पशुपति देउपाटन, पाचाटोल)