site stats
बाह्रखरी :: Baahrakhari
विचार
Nabil BankNabil Bank
Sarbottam CementSarbottam Cement
Ghorahi CementGhorahi Cement
विश्वासको मत दिएर आफैँलाई दाउमा राखेको कांग्रेस 

राजनीतिमा अहिले प्रमुख चर्चामा नेपाली कांग्रेस छ । पुष्पकमल दाहाल ‘प्रचण्ड’को नेतृत्वको सरकारसँग सत्ता पक्षकै बहुमत हुँदाहुदै पनि प्रतिपक्षमा रहेको कांग्रेसले विश्वासको मत दिएपछि देशको राजनीति यसैको वरिपरि घुमिरहेको छ । नेपाली कांग्रेसको यो रणनीति भने आफैँमा जोखिमपूर्ण देखिन्छ । जोखिम यस अर्थमा कि जुन उद्देश्य र लक्ष्य लिएर यो रणनीति अवलम्बन गरिएको छ त्यो प्राप्त हुन्छ त ? 

राजनीतिमा यसै भन्न सकिँदैन । विशेषगरी कांग्रेसले राष्ट्रपति पदकै निम्ति यो रणनीति अवलम्बन गरेको देखिन्छ । माओवादी का दाहाल प्रधानमन्त्री, एमालेका सभामुख र एमालेलाई नै राष्ट्रपति पनि भन्ने सातदलीय गठबन्धनको सहमतिबाट कांग्रेस तर्सेको हुनुपर्छ । नेपालमा लोकतन्त्रको मानिने कांग्रेस पछिल्लो समय प्रतिगामीको आरोप लागेका  केपी ओलीको अधिनायकवादी राजनीतिक शैलीबाट पनि यसरी झस्केको हुनसक्छ ।

Agni Group

अहिले कम्युनिस्ट पार्टीमध्येका माओवादी र एमाले नै सरकार छन् । अन्य संवैधानिक अङ्ग, राष्ट्रपति र न्यायालयमा समेत कम्युनिस्टको पहुँच र प्रभाव बढ्न सक्ने सम्भावना कांग्रेसले देख्नु पनि आश्चर्य होइन । यस्तो अवस्थामा भोलि लोकतन्त्र नै खतरामा पर्न सक्छ । यो खतरा, नेपालमा कम्युनिस्ट प्रभाव रोक्न नै नेपाली कांग्रेसले दाहालको सरकारलाई  विश्वासको मत दिएर पार्टीलाई दाउमा राख्यो । अर्थात्, नेपाली कांग्रेसले जुवा खेल्यो आफैँलाई दाउमा राख्यो । 

जुवाजस्तै राजनीतिमा पनि जालझेल त हुन्छ नै । एमालेका अध्यक्ष केपी ओलीले भनेजस्तै यो ‘ढोक्सा’ भने हैन । ढोक्सामा केही नपरे पनि नोक्सान हुँदैन अलिकति श्रम र केही ऊर्जा खर्च हुनेमात्र हो । तर, कांग्रेसको यो दाउ असफल भए पार्टीको प्रतिष्ठा र गरिमा तथा कांग्रेसको इतिहासमै प्रश्नका  रूपमा सधैँ उपस्थित रहनेछ । अझ कांग्रेसले कम्युनिस्टमाथि विश्वास गरेर आफूलाई दाउमा राख्नु कति उचित छ ? इतिहासमा पटकपटक कम्युनिस्टबाट  घात बेहोरेको कांग्रेसले यसपटक फेरि घात सहनुपर्दैन भन्न सकिन्छ र?  

Global Ime bank

 संसद्का प्रायः सबै दलको विश्वास प्राप्त दाहाल सरकारको राष्ट्रिय सहमतिमै राष्ट्रपति  बनाउने  विचार पनि संदेहास्पद हुँदैगएको छ । यस्तो अवस्थामा एमालेभित्रका नेतामा कांग्रेसले राष्ट्रपतिमा  सहमति नजनाउने र कांग्रेसको उम्मेदवार सत्ता गठबन्धनको सहमतिविपरीत भनेर एमालेले नमान्ने अवस्थामा दाहालले सहमतिको नाममा तेस्रो विकल्प दिए यी दुवै राजनीतिक दल सहमतहुन सक्छन् त ? 

कांग्रेसले नदेखेको खतरा यहाँबाट सुरु हुन्छ। दाहाल नेतृत्वको सरकारलाई विश्वासको मत दिएर आफैँलाई दाउमा राख्नु अन्य राजनीतिक घटना हेर्दा पनि कांग्रेसका लागि अनुकूल देखिँदैन । प्रधानमन्त्री  दाहालको राष्ट्रिय सहमतिको राग सुन्दा राम्रो लाग्छ तर त्यो त्यति नै खतरनाक पनि हुनसक्छ जुन अहिले राजावादीले " मेची महाकाली " अभियानका नाममा सुरु गरेका छन् । त्यसमा तत्कालीन राजा ज्ञानेन्द्रसहित परिवारको उपस्थितिमा "राजा आऊ देश बचाऊ "‌को नारा घन्काए फागुन ७ को अवसर पारेर । “राजनीतिक दलहरूसँग सहकार्य गर्ने" ज्ञानेन्द्रको अभिव्यक्ति र दाहालको राष्ट्रिय सहमति संयोगमात्रै हो कि नेपालको राजनीतिमा यसले केही अर्थ राख्छ ?

महाभारतमा पाण्डवले द्रौपदीलाई नै जुवामा राखेर पाण्डवको वनवास भएजस्तै यहाँ पनि शकुनी  जालमा परेर  विश्वासको मत दिएर आफैँलाई दाउमा राख्ने कांग्रेस हारेर भोलि पाण्डवको नियतिमा पुग्न सक्दैन र ?

NIBLNIBL
प्रकाशित मिति: बुधबार, फागुन १०, २०७९  ०९:३०
Sipradi LandingSipradi Landing
worldlinkworldlink
Nepal TelecomNepal Telecom
प्रतिक्रिया दिनुहोस्
Ncell Side Bar LatestNcell Side Bar Latest
Shivam Cement DetailShivam Cement Detail
NepatopNepatop
Maruti cementMaruti cement
ICACICAC