अर्घाखाँची । अर्घाखाँचीको पाणिनि गाउँपालिकामा भएको ट्याक्टर दुर्घटनामा एकजनाको मृत्यु भएको छ । दुईजना घाइते भएका छन् ।

पाणिनि–८ पालीमा आज लु२त९२७१ नम्बरको ट्याक्टर दुर्घटना हुँदा स्थानीय १८ वर्षीय हुमबहादुर कुमालको मृत्यु भएको जिल्ला प्रहरी कार्यालयका प्रमुख प्रहरी नायब उपरीक्षक मुकुन्द रिजालले बताए ।

दुर्घटनामा चालक २२ वर्षीय चामबहादुर कुमाल र ३९ वर्षीय शंकरबहादुर कुमाल घाइते भएका छन् । उनीहरूलाई उपचारका लागि पाल्पा पठाइएको छ ।

ट्याक्टरको ‘ब्रेक फेल’ भई बाटोबाट अन्दाजी १५० मिटर तल खसेर दुर्घटना भएको बताइएको छ । रासस