काठमाडौं । नेपालकी अनिशा खड्काले सोमबार युनाइटेड अरब इमिरेट्स (यूएई)मा जारी यूएई मुवाँथाई च्याम्पियनसिप–२०२३ मा स्वर्णपदक जितेकी छन् ।

यूएई मुवाँथाई तथा किक बक्सिङ फेडेरेसनले आयोजना गरेको प्रतियोगितामा अनिशाले महिला ७१ किलोमुनिको तौलसमूहमा स्वर्णपदक जितेको नेपाल राष्ट्रिय मुवाँथाई संघका अध्यक्ष गणेशलाल कक्षपतिले बताए । अनिशा पछिल्लो समय दुबईमा बस्दै आएकी छन् । 

आबुधाबीमा जनवरी २७ देखि २९ तारिखसम्म भएको प्रतियोगिताको फाइनलमा अनिशाले सुडानकी नवल फागिरलाई पराजित गरेकी हुन् । अनिशाले सेमिफाइनलमा बेलायतकी क्लेरे नेललाई हराएकी थिइन् ।