site stats
अर्थ व्यवसाय
पर्यटन क्षेत्रलाई रोजगार र उत्पादन क्षेत्रसँग जोड्नुपर्छ : पर्यटनमन्त्री किराँती
फाइल तस्बिर।

काठमाडौं । संस्कृति, पर्यटन तथा नागरिक उड्डयनमन्त्री सुदन किराँतीले पर्यटनलाई रोजगार र उत्पादनसँग जोड्नुपर्ने बताएका छन् ।

सोमबार पर्यटन विभागका कर्मचारीसँग कुराकानी गर्दै उनले दैनिक लाखौँ युवा विदेश लागिरहेको भन्दै पर्यटनलाई रोजगार र उत्पादनसँग जोडेर युवालाई रोक्नु पर्ने बताएका हुन् । स्वदेशमा रोजगारी नहुँदा गाउँ चराको गुँड जस्तो भएको मन्त्री किराँतीले बताए ।

“गाउँ त चरा गुँड जस्तो भइसक्यो । गाउँमा मलामीसमेत छैनन् । सहरमा टेक्ने ठाउँ छैन । चराको बच्चाले गुँड छोडेपछि फर्केर आउँदैन । अहिले गाउँ त्यस्तै भएको छ,” उनले भने ।

NMB Bank
Dabur nepal
Agani Group

पर्यटक ल्याएर विदेशी खाना खुवाएर पठाउँदा नेपालीको काम भारी बोक्ने मात्र जस्ता देखिएको उनले बताए । भने, “विदेशी पर्यटकलाई नेपालमा ल्यायो । फाइभ स्टार होटेलमा राख्यो । त्यहाँ बेसारसमेत नेपाली हुँदैन । अनि हामीले पाउने भनेको भाँडा माझ्ने र भारी बोक्ने मात्र हो ।”

नेपाल पर्यटन क्षेत्रको लागि प्रचुर सम्भावना भएको बताउँदै प्रचार–प्रसारमा ध्यान दिने बताए । उनले नेपाल बुहजाति, बहुभाषा, बहुसंस्कृतिले भरिपूर्ण रहेको भन्दै यस विषयलाई पनि पर्यटन क्षेत्रसँग जोड्नु पर्ने बताए ।

Global bank

“भौगोलिक हिसाबले हेर्नुहुन्छ भने हाम्रो प्रत्येक १० किलोमिटरबीचमा फरक खालको हावापानी पाइन्छ,” उनले भने, “१० किलोमिटर तल झर्यो सही नसक्नु चुरे भावरको गर्मी छ । १० किलोमिटरमाथि गयो, सही नसक्नु धेरै जाडो छ ।”

उनले मानव निर्मित सम्पदालाई प्राकृतिक सम्पदासँग जोडर नेपाली विशेषताको पर्यटन क्षेत्र बनाउनु पर्ने उनले बताए ।

विदेशीको फोटोकपी गरेर नेपालमा पर्यटन भित्र्याउने परिपाटि रहेको भन्दै त्यस्ता खालका सपना नदेख्नसमेत कर्मचारीलाई निर्देशन दिए । उनले भने “हामीले विदेशी फोटोकपी गरेर नेपालमा पर्यटन भित्र्याउने सपना नदेखौँ । किनभने हामीसँग पुँजी पनि छैन र प्रविधि पनि छैन ।”

पर्यटकलाई अनलाइन ट्रयाकिङ गर्नको लागि जीपीएस प्रणालीमा काम गर्न कर्मचारीलाई निर्देशन दिए । उनले भने, “हामीले पर्यटकलाई किन अनलाइन ट्रयाकिङ गर्न सकिहेका छैनौं ? सारा दुनियाँले गरिरहेको छ । हामी किन चुक्यौं ? यस विषयमा तपाईँ पनि अनुसन्धान गर्नुस्, हामी पनि गर्छौँ ।”

प्रकाशित मिति: मंगलबार, माघ १०, २०७९  १९:००
प्रतिक्रिया दिनुहोस्
सम्पादकीय