site stats
कला
को–एक्टर जितु रहेको थाहा पाउँदा साम्राज्ञी आश्चर्यमा !

काठमाडौं । चलचित्र ‘ह्यारीकी प्यारी’की नायिका साम्राज्ञी आरएल शाहले सुरुमा आफ्नो को–एक्टर जितु नेपाल रहेको थाहा पाउँदा आश्चर्यमा परेको बताएकी छन् । काठमाडौंमा केही दिन अगाडि आयोजित एक कार्यक्रममा साम्राज्ञीले जितु आफ्नो अपोजिटमा सुन्दा सुरुमा अचम्म लागे पनि कथामा जितु नै सुहाउने बताएकी थिइन् । 

“प्रोडक्सन म्यानेजर नगेन्द्र दाइले सुरुमा सिनेमा अफर लिएर आउनु भएको थियो । उहाँसँगको एक चरण कुरापछि स्क्रिप्ट सुनेँ । त्यसपछि निर्देशक कपिल रिजालले स्क्रिप्ट सुनाउनु भयो । मलाई उत्कृष्ट लाग्यो । मैले पात्रमा आफूलाई महसुस गरेँ,” साम्राज्ञीको भनाइ थियो, “उहाँले हिरोमा जितु नेपालको नाम लिनुभयो । त्यसपछि म छक्क परेँ । चलचित्रको कथा एकपटक पुनः सम्झिँदा जितु दाइ नै कथाको माग भएको महसुस भयो ।” 

NMB Bank
Dabur nepal
Agani Group

जितुले चलचित्र ‘ह्यारीकी प्यारी’ आफ्नो करिअरका लागि नयाँ परीक्षा भएको बताएका छन् । चलचित्रले आफ्नो हास्य कलाकारको छवि परिवर्तन गर्ने बताउँदै आएका छन् । 

डा. कपिल रिजालको डेब्यु निर्देशनमा निर्माण भएको चलचित्रले सर्तसहितको विवाहले जीवनमा आउने उतारचढावको कथा भन्छ ।

Global bank

चलचित्रमा साम्राज्ञीसँगै विजय बराल, लक्ष्मी गिरी, सुवाष गजुरेल, रन्जना भट्टराईलगायत कलाकारको अभिनय छ । चलचित्र माघ २० प्रदर्शनमा आउँदैछ ।
 

प्रकाशित मिति: बुधबार, माघ ४, २०७९  ०८:५०
प्रतिक्रिया दिनुहोस्
सम्पादकीय