काठमाडौं । प्राविधिक समस्याका कारण नेपाल टेलिकमका सम्पूर्ण नेटवर्कमा समस्या आएको नेपाल टेलिकमका प्रवक्ता सोवन अधिकारीले बताएका छन् । 

आज मध्याह्न १२ बजेदेखि टेलिकमको सेवामा समस्या देखिएको थियो । २० मिनेट प्राविधिक समस्या भएको र त्यसपछि अत्याधिक कल ह्याण्डल गर्न नसक्दा केहि समय सेवा अवरुद्ध भएको अधिकारीले बताए ।  

“प्राविधिक समस्याले गर्दा सेवा अवरुद्ध भयो । त्यसपछि अत्याधिक कल भएको कारण कल ह्याण्डलिङ गर्न नसक्दा केही समय समस्या भएको थियो । अहिले समाधान भइसकेको छ,” उनले बाह्रखरीसँग भने ।