धनगढी । दार्चुलामा भारतको जंगलबाट खर काटेर फर्कने क्रममा महाकालीमा तर्ने क्रममा तुईनबाट खसेर मृत्यु भएको छ ।
ब्यास गाउँपालिका–४ को डोकटका १० वर्षीय बालक दिपेन्द्र विष्ट तुइनबाट नदी तर्ने क्रममा खसेर बेपत्ता भएको प्रहरीले जनाएको छ ।
पुस २१ गते बालक तुईनबाट खसे पनि प्रहरीलाई २३ गते मात्रै खबर प्राप्त गरेको छ ।
ब्यास गाउँपालिका–४ को डोकटका १० वर्षीय बालक दिपेन्द्र विष्ट तुइनबाट नदी तर्ने क्रममा खसेर बेपत्ता भएको प्रहरीले जनाएको छ ।
जिल्ला प्रहरी कार्यालयका प्रहरी निरीक्षक जगत मगरले बालक बिहीबार बिहान तुइनबाट तर्ने क्रममा बेपत्ता भए पनि शनिबार मात्र खबर प्राप्त भएको जानकारी दिए ।
बिहीबार बिहान बालककी आमा तुइनमार्फत खर काट्न भारतीय जंगलमा पुगेकी थिइन् । बालक पनि उनीसँगै गएका थिए । सोही क्रममा तुइनबाट खसेर बेपत्ता भएका थिए ।
प्रहरी निरीक्षक मगरले भने, “बिहीबार दिउँसोतिरको घटना हो । तर हामीले पनि भर्खरैमात्रै जानकारी पाएका छौँ ।”
बेपत्ता भएको जानकारीपछि बच्चाको खोजतलासमा भनेर प्रहरीलाई खटाइएको उनले जानकारी दिए ।
घटनास्थल जिल्ला सदरमुकामबाट धेरै टाढा छ । त्यहाँका स्थानीयहरु घाँस र खर काट्न भारततिर जाने चलन छ ।
घाँस ओसारपसारमा सजिलोका लागि स्थानीयले त्यस क्षेत्रमा तुइन हाल्छन् । त्यहीँबाट बालक खसेका हुन् । बालक ब्रह्मस्थान आधारभूत विद्यालयमा कक्षा ४ मा अध्ययनरत थिए ।
-1716278128.jpg)
-1734691541.jpg)
