काठमाडौं । शिल्पी नाटक घरमा मञ्चन हुँदै गरेको ‘ज्ञानको चिहान’ नेपालको शिक्षा प्रणाली दर्शाउने नाटक हो । 

पुस १३ देखी शिल्पी नाटकघर बत्तिसपुतलीमा मञ्चन सुरु भएको नाटक ‘ज्ञानको चिहान’ ले विभिन्न राजनीति दलका विद्यार्थी संगठनको चंगुलमा फसेको शिक्षा प्रणालीलाई देखाएको छ । 

विश्वविद्यालयका भवनहरू खण्डहर हुँदै गएको,  विश्वविद्यालयकको गुणस्तर खस्किँदै गएको, वैज्ञानिक शिक्षा प्रणाली नभए पनि कसैको ध्यान नगएको नाटकले देखाउन खोजेको छ । 

विश्वविद्यालयमा विद्यार्थी संगठनको दादागिरी,  प्राध्यापकमाथिको अनावश्यक आरोप, शिक्षाका नाममा हुने ठगी धन्दा नाटकले देखाउन खोजेको छ । 

विद्यार्थी संगठनहरूको  भागवन्डामा होइन् विभिन्न खोज तथा अनुसन्धानमा केन्द्रित भएर देश निर्माणका लागि मुख्य भूमिका खेल्नुपर्ने नाटकले सन्देश दिन खोजेको छ । 

अनेरास्ववियु क्रान्तिकारीका केन्द्रीय अध्यक्ष पञ्चा सिंहको परिकल्पनामा र अनेरास्ववियु (क्रान्तिकारी)का केन्द्रीय शैक्षिक विभागको सहकार्यमा कलासी प्रोडक्सनले नाटक मञ्चन गरेको हो ।

संगीत सापकोटाले निर्देशन गरेको नाटक ‘ज्ञानको चिहान’लाई पूर्णबहादुर गन्धर्व, नरेश रेग्मी र आशिष घिमिरेले लेखेका हुन् । नाटक पुस ३० गतेसम्म मञ्चन हुने प्रोडक्सन म्यानेजर सगुन पोख्रेलले जानकारी दिइन् ।