काडमाडौं । नेपालमा पहिलोपटक ‘बेस्ट एयरलाइन्स अवार्ड्स नेपाल २०२२’ हुने भएको छ । बेस्ट एयरलाइन्स अवार्ड्स नेपाल (बान)ले नेपाल पर्यटन बार्डसँगको साझेदारीमा उक्त अवार्ड गर्न लागेको हो ।

पर्यटनमा हवाई क्षेत्रले गरेको योगदानको कदर गर्दै थप उपभोक्तामुखी र जनउत्तरदायी बनाउने उद्देश्यका साथ अवार्ड गर्न लागेको आयोजकले जनाएको छ ।

आयोजकका अनुसार १६ विधामा अवार्ड दिइनेछ । जसमा तीन विधा नेपाली वायुसेवाका लागि मात्र छुट्ट्याइएको छ ।

११ विधामा नेपालबाट अन्तर्राष्ट्रिय उडान भरिरहेका वायुसेवाले प्रतिस्पर्धा गर्नेछन् । बाँकी दुई विधामा हवाई उड्डयनलाई सुरक्षित र सहज बनाउन भूमिका खेल्ने विभिन्न साझेदारहरूमध्येबाट उत्कृष्टलाई चयन गरिने आयाजकले जनाएको छ ।