काठमाडौं । भक्तपुर क्षेत्र नम्बर–२ मा नेपाली कांग्रेसका सभापति दुर्लभ थापाले उमेदवारी घोषणा गरेका छन् ।
उनले नेकपा (एमाले)बाट जितेर बहाल रहेका सांसद महेश बस्नेतलाई चुनौती दिन आफैँ उभिन लागेको घोषणा गरेका हुन् ।
“सिंगल–सिंगल भिड्छु भन्नेहरूलाई यसअघि पनि हराएको हो । माओवादीको वैशाखी टेकेर गत चुनावमा जितेकोमा घमण्ड नगरे हुन्छ,” थापाले भने, “कांग्रेसबाट क्षेत्र नम्बर–२ मा म चुनाव लड्दैछु । उहाँले यसपटक जितेर देखाए हुन्छ ।”
उनले महेश बस्नेततर्फ संकेत गर्दै यसअघि माओवादीको वैशाखी टेकेर चुनाव जितेकाले सत्ता गठबन्धनलाई अपवित्र भन्नु आश्चार्य भएको बताए ।
फरक प्रसंगमा थापाले काठमाडौंका मेयर बालेन साहले अल्फा बिटाको अवैधानिक संरचना हटाएर राम्रो गरेको भन्दै कांग्रेसले समर्थन गरेका कदममा एमालेका मान्छेहरूलाई विचलित देखेको बताए ।