देश
काठमाडौं । सेतो मच्छिन्द्रनाथको रथयात्रा हुने काठमाडौंको रानीपोखरी प्रहरी कार्यालय भवन र आकाशेपुलबीचको बाटोमा कंक्रिटको संरचना बनाइएको छ । उक्त संरचना हटाउन स्थानीयले सरोकारवाला निकायको ध्यानाकर्षण गराएका छन् ।
सेतो मच्छिन्द्रनाथ रथयात्रा व्यवस्थापन समितिका अध्यक्ष निलकाजी शाक्यले त्यहाँ कंक्रिटको संरचना बनाउने निकायको खोजी भइरहेको बताए ।
बाटोमा हिँड्ने पैदलयात्री र रथयात्रालाई असर गर्ने गरी बनाइएको संरचना हटाउनुपर्ने भन्दै स्थानीयले विरोध गरेका छन् । सो कंक्रिटको संरचनाबारे जानकारी नभएको वडा कार्यालयले जनाएको छ ।
सम्पदा संरक्षणकर्मी गणपतिलाल श्रेष्ठले स्थानीय तहसँग समन्वय नै नगरी बनाइएको संरचना हटाउनुपर्ने आफूहरूको माग रहेको बताए ।
प्रकाशित मिति: बुधबार, साउन ११, २०७९ ११:४९
प्रतिक्रिया दिनुहोस्