काठमाडौं । प्रमुख प्रतिपक्ष दल नेकपा (एमाले)का सांसद भीम रावलले सरकार देशमा नै छ कि अन्त कतै छ ? भनेर प्रश्न गरेका छन् ।

आइतबार प्रतिनिधिसभा बैठकमा उनले एसपीपीको सन्दर्भमा सभामुख र अन्तर्राष्ट्रिय सम्बन्ध समितिको निर्देशन कार्यान्वयन नभएको भन्दै यस्तो प्रश्न गरेका हुन् ।

“एसपीपीको सम्बन्धनमा सरकारको निर्णय कार्यान्वयनको अवस्था र पत्र पठाएको अवस्थाको सम्बन्धमा के छ भनेर यो सम्मानित सदनलाई जानकारी गराउनका लागि सम्माननीय सभामुख महोदयले निर्देशन दिनुभएको आज पाँच दिन बित्यो । सरकार कहाँ छ ? यो देशमा छ ? कि कतै छ ?,” उनले प्रश्न गरे ।

उनले केही दिनअघि आफूले संसदुको रोस्ट्रम छाड्न नमान्नुको तात्पर्य पुष्टि भएको जितिर गरे । रोस्ट्रमबाट बोल्दा सुनुवाइ हुन्छ कि भनेर आफूले  त्यसो गरेको उनको भनाइ छ ।

“म रोस्ट्रममा उभिनुको तात्पर्य त खुल्यो होला नि ! त्यति बेला जसले टिप्पणी गर्नुभएको थियो । एक महिना भो सरकारले गरेको निर्णय, सम्माननीय सभामुखले दिएको निर्देशन पनि नसुन्ने,” उनले भने, “अन्तर्राष्ट्रिय सम्बन्ध समितिको कुरा पनि नसुन्ने । रोस्ट्रमबाट बोल्दा अलिकति सुन्छ कि भनेको, कानको उपचार त राम्ररी गर्नुपर्ने । नेपाली जनताले चुनावमा गर्छन् कि हेरौँ ।”