धनगढी । सुदूरपश्चिम प्रदेश सभा सदस्य कर्ण मल्लको राजीनामा प्रदेश सभाले स्वीकृत गरेको छ । सभामुख अर्जुनबहादुर थापाले उनको राजीमाना स्कीकृत गरेका हुन् ।

उनी आवद्ध पार्टी नेपाली कांग्रेसले साधारण सदस्यसमेत नरहनेगरी कारबाही गरेपछि असार १३ गते मल्लले पदबाट राजीनामा दिएको पत्र प्रदेश सभामा पठाएका थिए । आज सोही पत्र प्रदेश सभामा पढेर सुनाउँदै सभामुख थापाले उनी पदमुक्त भएको घोषणा गरेका हुन् ।

उनी ०७४ सालको निर्वाचनमा डडेल्धुराबाट प्रदेश सभा सदस्यमा विजयी भएका थिए ।

गत वैशाख १३ गते विधानविपरीतका गतिविधि गरेको भन्दै कांग्रेसले मल्ललाई कारबाही गरेको थियो ।