बाह्रखरीको प्रश्नमा सितारामले भने, “सरकारको अहिलेको प्राथमिकता पुनर्निर्माण नै हो । हामीले चाहेको र गरिरहेको पनि पुर्निर्माण नै हो । तपाईंले राज्यले गर्ने काम गरिरहनु भएको छ । यसमा हाम्रो पूर्ण साथ छ । केही सहयोग गर्नुपर्छ भने भन्नुस्, सरकार सहयोग गर्न तयार छ भन्नुभयो प्रधानमन्त्रीले ।”

पहिला पनि सरकारले सहयोग गरेकै हो । सामान बोक्न ट्रिपर उपलब्ध गराएको थियो । अहिले पनि नेपाली सेनाले श्रमदान गरिरहनु भएको छ । हाम्रो आफ्नो पहलमा काम भए पनि सरकारसँगै समन्वय गरेर काम भइरहेको छ । त्यसैले भवन निर्माणका लागि आर्थिक सहयोग चाहिँदैन । हामीले काम गरिरहेको बस्तीसम्म पुग्ने बाटो, विद्युत् र खानेपानीको व्यवस्था गरिदिन प्रधानमन्त्रीसँग आग्रह गरेँ । 

सन् २०१७ लाई सफाई वर्ष मनाउने सिलसिलामा हामी (धुमुस र सुन्तली)लाई सरसफाई दूत बनाइएको छ । लक्ष्यअुसार काम गर्ने हो भने अलिकति बढी हामीलाई अधिकार दिनुहोस् । हाम्रो यसमा केही स्वार्थ छैन । खुला दिसामुक्त नेपाल र सबै ठाउँमा ल्यान्डफिल्ड साइट बनाउन सकिने वातावरण बनाउन जिम्मेवारी दिनुपर्यो । यो मैले मेरो स्वार्थका लागि भनेको होइन । देशको लागि गरेको हुँ भनेर भनेँ । 

सकारात्मक हुनुहुन्छ उहाँ । भूकम्पले क्षति पुर्याएको ठाउँमा सामूहिक बस्ती निर्माण गरेर उदाहरणीय काम गर्नुभएको छ । विकासको पहिलो चरण यही नै हो । राज्यले गर्ने पनि यही नै हो । सरकार सहयोग गर्न तयार छ भन्नुभयो । 

उहाँले एकीकृत बस्ती भ्रमण गर्छु भन्नुभएको छ । 

यसै दिन भनेर समय त तोक्नुभएको छैन । कुनै दिन मिलाएर आउँछु भन्नुभएको छ । 

एकीकृत बस्तीमा गएर, भ्रमण गरेर मात्रै हुँदैन । त्यस्तै अरु बस्ती पनि बनाउनुपर्छ । तत्काल पुनर्निर्माणको सबैभन्दा राम्रो र उत्तम विकल्प भनेको यही ढाँचा हो । यसलाई ‘फलो’ गर्ने हो भने एक वर्षमै पुनर्निर्माणको काम सकिन्छ । भूकम्पले ध्वस्त पारेका ठाउँमा मिनिमार्केट बन्छ । विकासको चरण त्यहीँबाट सुरु हुन्छ । सबै लाग्ने हो भने भूकम्पले ध्वस्त भएका ठाउँमा एक वर्षमै पुनर्निर्माण कार्य सकिन्छ । 

अहिलेको मुख्य आवश्यकता पुनर्निर्माण नै हो । सरकारले यसमा ध्यान दिनुपर्छ । सरकारले दिने भनेको रकम पनि तत्काल दिनुपर्छ । हुन त त्यीि पैसाले घर बन्ने होइन, तर सहयोगका लागि प्रतिबद्धता जनाएको कुरा भने पूरा गर्नुपर्छ । एकीकृत बस्ती बसाउन सकिने ठाउँहरूको अध्ययन गरेर हामं्रो अवधारणामा अघि बढ्नुपर्छ । 

अघिल्लो सरकारले हामीलाई ढुवानीका लागि गाडी सहयोग गरेको थियो । प्रचण्ड सरकार आएको दुई हप्तामात्रै भयो । उहाँले तत्काल भूकम्पपीडितलाई सहयोगस्वरूप दिने रकम दिने भन्नुभएको छ । हामीलाई भन्दा पनि जनताका लागि काम गरिदिनुपर्यो किनकि जनता पीडित छन् । विकास जनतामुखी हुनुपर्यो  । सरकारका कामकारबाही जनतामुखी हुनुपर्यो । 

व्यक्तिगत टिप्पणीमा नजाऊँ । केपी ओलीज्यूसँग धेरै पटक व्यक्तिगत भेटघाटमा पनि हामी थियौं । प्रचण्डज्यूसँग दोस्रो भेट हो यो । उहाँसँग व्यक्तिगत कुरा भएनन् । देशको विकासका विषयमा कुरा भयो, पुनर्निर्माणका विषयमा कुरा भयो । कसरी आपसी सहयोगमा अगाडि बढ्न सकिन्छ भनेर कुरा भयो । सरकार छ, सहयोग गर्छ, अगाडि बढ्नुस् भन्ने कुरा गर्नुभयो । ओलीज्यू पनि यही भन्नुहुन्थ्यो ।