site stats
बाह्रखरी :: Baahrakhari
राजनीति
Nabil BankNabil Bank
Sarbottam CementSarbottam Cement
कुन निर्वाचनमा कस्ता रङका मतपत्र थिए ? रापस चुनावदेखि स्थानीय तहसम्मका तस्बिरसहित
Ghorahi CementGhorahi Cement


काठमाडौं । निर्वाचन आयोगले आगामी निर्वाचनमा मतपत्रको रङ सम्बन्धमा गरेको निर्णयलाई नेकपा एमालेका अध्यक्ष केपी शर्मा ओलीले टिप्पणी गरेपछि राजनीतिक तरंग सिर्जना भएको छ । निर्वाचन आयोगले हरियो रङको मतपत्र बनाउने निर्णय गरेपछि ओलीले आपत्ति जनाएका थिए ।

सार्वजनिक कार्यक्रममा कांग्रेसको चुनाव चिह्न रुख हरियो हुने भएकाले आयोगले प्रभावमा त्यसो गर्न लागेको जनाएका थिए ।

निर्वाचन आयोगले भने मतगणनामा सहजताका लागि हरियो रङ प्रयोग गर्ने निर्णय गरेको बताएको छ । आयोगका सहायक प्रवक्ता सूर्यप्रसाद अर्यालले मतपत्रको चिह्न र स्वस्तिक चिह्नको रङमा फरकपन ल्याउनका लागि हरियो रङ प्रयोग गर्ने निर्णय भएको बताउँछन् ।

Agni Group

“हामीले २०७४ को निर्वाचनमा प्रयोग भएको मतपत्रमा चिह्नको रङ निलो थियो । हामीले सधैँ स्वस्तिक छापमा प्रयोग गर्ने मसिको रङ पनि निलो नै छ । चिह्न र स्वस्तिक छापमा गरिने चिह्नको रङ एउटै हुँदा गणनामा अप्ठ्यारो भयो,” उनी भन्छन् ।  

रातको समयमा गणना गर्दा स्वस्तिक छाप लागे नलागेको छुट्याउन गाह्रो भएकाले यस्तो निर्णय गर्नुपरेको उनको भनाइ छ ।
चुनाव चिह्नको रङ र स्वस्तिक छापको रङ फरक पार्न यस्तो निर्णय गरिएको उनको भनाइ छ ।
 
विगतका कतिपय निर्वाचनमा हरियो, कालो, नीलो र रातो चिह्न भएको मतपत्र प्रयोग भइसकेको आयोगको भनाइ छ ।

Global Ime bank

आयोगको अर्का एक पदाधिकारी मतपत्रमा रङ प्रयोग गर्ने विषयलाई राजनीतिकरण गर्न नहुने बताउँछन् ।

“मतपत्रको रङको निर्णय आयोगले गर्ने हो । यसलाई राजनीतिकरण गर्नुपर्छ जस्तो लाग्दैन,” उनी भन्छन्,“ चुनाव चिह्न र स्वस्तिक छापको रङ चाहिँ फरक भयो भने मतगणना गर्न सहज हुन्छ । सोहीअनुसार हरियो रङ प्रयोग गर्ने निर्णय भएको हो ।”

कुन निर्वाचनमा कस्तो मतपत्र ?

राष्ट्रिय पञ्चायत सदस्य निर्वाचनको मतपत्रमा सेतो पृष्ठभूमिमा कालो चुनाव चिह्नको प्रयोग गरिएको थियो । निर्वाचन आयोगले म्युजियममा राखेको मतपत्रको नमुनामा सोही चिह्न प्रयोग भएको देखिन्छ ।

त्यस्तै २०४८ सालको प्रतिनिधि सभा निर्वाचनको  मतपत्रमा रातो रङको प्रयोग गरिएको देखिन्छ । २०४८ सालको राष्ट्रिय सभा सदस्य निर्वाचनमा उमेदवारहरुको नाम मात्रै राखिएको थियो ।

त्यतिबेला उनीहरुलाई चुनाव चिह्न दिइएको थिएन । सो मतपत्रमा रातो रङको प्रयोग भएको देखिन्छ । त्यसैगरी २०५१ सालको प्रतिनिधिभा निर्वाचनमा पनि चुनाव चिह्नमा रातो चिह्नको प्रयोग गरिएको थियो ।

त्यसैगरी २०५४ सालको स्थानीय चुनावको मतपत्रमा सेतो पष्ठभूमिमा रातो रेखा र रातै रङ राखिएको देखिन्छ ।   २०५६ सालको प्रतिनिधिसभा निर्वाचनको चुनाव चिह्नमा रातो रङको मतपत्र  राखिएको थियो । 

२०५८ सालको राष्ट्रिय सभा निर्वाचनको मतपत्रमा कालो रङ राखिएको थियो ।

२०६४ सालको प्रत्यक्षतर्फको निर्वाचनमा निलो पृष्ठभूमिमा कालो चुनाव चिह्न भएको मतपत्र राखिएको थियो । त्यस्तै समानुपातिकतर्फको मतपत्रमा भने रातो रङको राखिएको थियो ।

२०७४ सालको स्थानीय तहको निर्वाचनमा चुनाव चिह्नको रङ निलो प्रयोग भएको थियो । राष्ट्रियसभा निर्वाचनमा भने निलो र रातो रङको प्रयोग भएको आयोगले जनाएको छ ।

२०७४ सालको निर्वाचनमा स्वस्तिक छापमा प्रयोग गर्ने रङ पनि निलो रहेको निर्वाचन आयोगले जनाएको छ ।

तस्बिर : हरिश क्षेत्री 
 

NIBLNIBL
प्रकाशित मिति: बिहीबार, फागुन २६, २०७८  १८:३६
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC