चितवन । भरतपुर महानगरपालिका वडा नम्बर २ क्षेत्रपुरबाट २ लाख ३२ हजार ६ सय ८० रुपैयांँ नगदसहित १३ जना जुवाडे पक्राउ परेका छन् । जिल्ला प्रहरी कार्यालय चितवनका अनुसार शनिबार राति १०  बजे क्षेत्रपुरस्थित  पियाको घरमा जुवा खेलिरहेको अवस्थामा उनीहरूलाई पक्राउ गरिएको हो ।

पक्राउ पर्नेमा भरतपुर महानगरपालिका वडा नम्बर २ का घरधनी सुगम पिया, सोही ठाँउका राजेन्द्र कसाई, भरतपुर ११ का पदम तामाङ, भरतपुर २ का रोशन खड्का, विजय गुरुङ, सुर्य बोहोरा, मनिज कुमार र बद्री बोहोरा रहेका छन् । 

अन्य पक्राउ पर्ने जुवाडेमा भरतपुर ७ का राम बहादुर मगर, भरतपुर ११ का रमेश प्रजापती, भरतपुर ३ का विनोद खड्की, भरतपुर १२ का आशिष गुरुङ र नवलपुर, गैंडाकोटका  नवराज क्षेत्री रहेका छन् ।

उनीहरूलाई नियन्त्रणमा लिई थप अनुसन्धान कार्य भइरहेको प्रहरीले जनाएको छ ।