काठमाडौं । प्रतिनिधिसभा तथा प्रदेशसभाको मतगणना सकिएका क्षेत्रमा समानुपातिकको मतगणना सुरु भएको छ । समानुपातिकको पनि सुरुवाती मतमा एमालेले केही मतले अग्रता लिएको छ । 

निर्वाचन आयोगका अनुसार ३९ हजार मत सदर हुँदा एमालेले १६ हजार ६०० मत ल्याउँदै कांग्रेसले १५ हजार ३९६ मत ल्याएको छ । 

यता तेस्रो स्थानमा रहेको माओवादी केन्द्रले ५ हजार १३४ मत ल्याएको छ । चौथो स्थानमा राष्ट्रिय जनता पार्टी नेपालले ६७७ मत ल्याएको छ । त्यस्तै, नयाँ शक्तिले १४०, विवेकशील साझा पार्टीले ७२, नेपाल जनता दलले ७१, नेकपा मालेले ६२, संघीय समाजवादी फोरमले ४० र अन्य दललाई १६४ मत आएको छ।