बाह्रखरी
Ncell inner sticky
राजनीति प्रतिक्रिया दिनुहोस्
Jagadamba Group
Jagadamba Group
भारतीय राष्ट्रपति मुखर्जीको नेपाल भ्रमणसँगै द्विपक्षीय सम्बन्धमा नयाँ रँग आउँछ: राजदूत राय
KNP nepal
KNP nepal
बाह्रखरी - आइतबार, कात्तिक १४, २०७३
Laxmi Bank
Laxmi Bank
Duber nepal
Agani Group
काठमाडौं । नेपालका लागि भारतीय राजदूत रञ्जित रायले बुधबारबाट हुने भएको भारतीय राष्ट्रपति प्रणव मुखर्जीको नेपाल भ्रमणले नेपाल–भारतबीचको द्विपक्षीय सम्बन्धमा नयाँ रँग ल्याउने बताएका छन् ।
आइतबार रिपोर्टर्स क्लबको देउसी– भैलो खेल्न पुगेका सञ्चारकर्मीहरूसँगको कुराकानीमा राजदूत रायले भने,“उहाँको नेपाल भ्रमणसँगै नेपाल र भारतबीचको द्विपक्षीय सम्बन्धमा नयाँ रँग भरिन्छ, यसको साथै दोस्ती प्रगाढ बन्छ ।” उनले भारतीय राष्ट्रपति मुखर्जीको यो भ्रमणलाई दुवै पक्षले उतिकै महत्त्व दिएको समेत बताए ।
राजदूत रायले पछिल्लो समय नेपाल र भारत दुवै तर्फबाट उच्चस्तरीय द्विपक्षीय भ्रमणहरु भैरहेको भन्दै १८ वर्षपछि हुन गईरहेको भारतीय राष्ट्रपतिको नेपाल भ्रमणले  द्विपक्षीय सामाजिक, सांस्कृतिक र आर्थिक सम्बन्धलाई अझै मजबुत बनाउने विश्वास दिलाए । उनले अघि भने, “पछिल्लो समय दुवै पक्षबाट प्रधानमन्त्री स्तर र विदेशमन्त्री स्तरबाट  द्विपक्षीय भ्रमणहरु भैरहेका छन्, यो अत्यन्तै सकारात्मक कुरा हो ।”
उनले राष्ट्रपति मुखर्जीको नेपाल भ्रमणको तयारी पूरा भइसकेको समेत जनाए । राष्ट्रपति मुखर्जीको  पूर्वनिर्धारित कार्यक्रम यथावत रहेको समेत उनले जनाए । उनले भने,“उहाँ काठमाडौं, जनकपुर र पोखरा जाने कार्यक्रम पनि छ, भ्रमणको सम्पूर्ण तयारी पूरा भैसकेको छ ।”
 
Nepal Investment bank
Nepal Investment bank
आइतबार, कात्तिक १४, २०७३ मा प्रकाशित
TATA Landing
TATA Landing
प्रतिक्रिया दिनुहोस्