बाह्रखरी
भर्खरै
sticky  ncell
राजनीति प्रतिक्रिया दिनुहोस्
चरकको आईसीयूमा रहेका सांसद शाही गरिमा होटलमा सिफ्ट, आजै स्वाब दिने
विशन क्षेत्री
बाह्रखरी - विशन क्षेत्री मंगलबार, वैशाख २१, २०७८
Laxmi Bank
Laxmi Bank

पोखरा । अविश्वास प्रस्तावको मतदानको दिन अचानक सम्पर्क विहीन भई चरक अस्पतालको स्विट रुममा भेटिएका सांसद खिमविक्रम शाही उक्त अस्पतालबाट डिष्चार्ज भएका छन् ।

शाहीलाई कोभिड संक्रमण भएको निजी ल्याबको रिपोर्टले देखाएको थियो । एकैदिन दुई सरकारी र एक निजी ल्याबबाट उनको कोभिड परीक्षण गरिएको थियो जसमध्ये सरकारी ल्याबको पहिलो रिपोर्ट पोजेटिभ र अर्को रिपोर्ट चाहिँ नेगेटिभ आएको थियो ।

सांसद शाहीको १५ गते आएका ३ वटा पीसीआर रिपोर्टमा अलग अलग नतिजा आएको छ । १४ गते प्रदेश सभा सचिवालय परिसरमा लिएको स्वाबको नतिजा नेगेटिभ आए पनि १४ गते नै लिइएको भनिएको अर्को स्वाब परीक्षणमा भने कोरोना पोजेटिभ देखिएको थियो । उनको भनिएको दोस्रो स्वाब लाइफकेयरमा परीक्षण गर्दा सिटी भ्यालु १६ उल्लेख थियो । तर सोही दिन परीक्षण गरिएको अर्को स्वाबमा कोरोना पोजेटिभ नै भए पनि सिटी भ्यालु ३९ छ ।

Rohto Landing

Agani Group

तर, उनले चरक अस्पतालमा बसेको तेस्रो दिन आफू अचानक बेहोस भई अस्पतालमा उपचाररत रहेको भनि विज्ञप्ति जारी गरेका थिए ।

उनले आफू बिरामी नै परेको र कोही कसैको मोलाहिजामा नफसेको बताउँदै आएका छन् । तर उनका गतिविधिले भने शंका गर्ने ठाउँ राखिदिएको छ ।

sarbottam cement

उनै शाहीलाई मंगलबार अस्पतालबाट डिष्चार्ज गरिएको उनका स्वकीय सचिव ढालेन्द्र हमाल (मिलन) ले जानकारी दिए । उनी नागढुंगाको गरिमा होटेलमा आइसोलेसनमा बसेका छन् ।

मंगलबार नै उनको पुनः स्वाब पनि परीक्षण गरिने हमालले जानकारी दिए ।

शाही ‘हराएपछि’ स्थगित भएको गण्डकी प्रदेश सभाको विशेष अधिवेशको बैठक अझै अनिश्चित बनेको छ । बैठक सदन चलाउन सभामुख नेत्रनाथ अधिकारीले हिजो डाकेको बैठक निश्कर्षविहीन भएको छ ।

मंगलबार ३ बजे सर्वदलीय बैठक बस्ने र टुंगोमा पुग्ने निर्णय सोमबारको कार्यव्यवस्था परामर्श समितिको बैठकले गरेको छ ।

जनमोर्चाकै सांसद हराएको सूचनाका आधारमा सभामुखले १५ गते बैठक स्थगित गरेका थिए । आफ्ना सांसद बिरामी भएर उपचार गराइरहेको जानकारी जनमोर्चाले सभामुखलाई औपचारिक रुपमा गराइसकेको छ । सभामुखको पनि शाहीसँग फोन सम्पर्क भएको उनको सचिवालयले जनाएको छ ।

वैशाख २ गते कांग्रेससहित ३ दलले दर्ता गराएको अविश्वास प्रस्तावमाथि वैशाख १५ गते मतदान हुने कार्यसूची थियो । अविश्वास प्रस्ताव पारित गर्न ३१ मत चाहिनेमा जनमोर्चाका खिमविक्रम शाही र स्वतन्त्र सांसद अनुपस्थित भएका कारण कारबाही अगाडि बढाउन सभामुखले रोकेका हुन् ।

६० सदस्यीय गण्डकी प्रदेश सभामा एमालेका २७ सांसद छन् । एमालेलाई १ स्वतन्त्र सांसदको साथ छ । धरमरमा रहेका स्वतन्त्र सांसद राजीव गुरुङ(दीपक मनाङे) लाई मन्त्री बनाएर थप एक भोट सुरक्षित गरेका छन् ।

संसदमा कांग्रेसका १५, माओवादीका १२, जनमोर्चाका ३ र जसपाका २ सांसद छन् । अविश्वास प्रस्तावमा जनमोर्चाको मौखिक समर्थन र २८ सांसदको हस्ताक्षर छ ।
 

 

Nepal Investment bank
Sunrise bank
Nepal Investment bank
Sunrise bank
मंगलबार, वैशाख २१, २०७८ मा प्रकाशित
Dishhome
Dishhome
प्रतिक्रिया दिनुहोस्