काठमाडौं । भाटभटेनी सुपर मार्केटले दर्जनौं नेपाली उत्पादनलाई प्रवर्द्धन गरिरहेको छ । बालुवाटारमा रहेको भाटभटेनी सुपर मार्केटले नेपालमै उत्पादन भएका दर्जनौं उत्पादनलाई प्रवर्द्धन गर्ने आइतबार एक कार्यक्रम गरी जनाएको छ ।

पछिल्लो समय नेपाली उत्पादनलाई भाटभटेनीले आफ्ना आउटलेटहरुमा महत्वका साथ स्थान दिएको कार्यक्रममा जनाइयो । नेपाली उत्पादनलाई प्रवर्द्धन गर्ने उद्देश्यले सोमबार नेपाली चलचित्र ‘कबड्डी-४’ का कलाकार दयाहाङ राई, उपाशना सिंह ठकुरी, विल्सनविक्रम राई, विजय बराल र बुद्धि तामाङको उपस्थितिमा कार्यक्रम गरिएको थियो । 

भाटभटेनीका खुद्रा व्यापार विश्लेषक सुजन गुरुङले मेड इन नेपाल रहेको ‘एरिया’ मा ‘कबड्डी-४’ का कलाकारहरुलाई विस्तृत जानकारी गराएकी थिइन् ।

‘नेपाली उत्पादनलाई माया गरौं’ भन्ने नारासहित बालुवाटारमा रहेको भाटभटेनीमा ‘मेड इन नेपाल २०२१’ अभियानअन्तर्गतको दोस्रो चरणको कार्यक्रम गरिएको भाटभटेनीकी प्रतिनिधि कामना गुरुङले जानकारी दिइन् । उनले नेपाली उत्पादनको प्रवर्द्धनमा भाटभटेनी सदैव सकारात्मक रहेको जानकारी दिइन् । कलाकारहरुले पनि नेपाली उत्पादनले अन्तर्राष्ट्रिय बजारमा स्थान पाउनेमा ढुक्क रहेको भन्दै शुभकामना दिएका थिए ।
हेरौं थप तस्बिर :
 

आइतबार, फागुन १६, २०७७ मा प्रकाशित