देश
काठमाडौं । वाग्मती सफाइ महाअभियानको ४०६औँ हप्ताअन्तर्गत शनिबार गोकर्णेश्वर, उत्तरगया र मीनभवनमा सरसफाइ गरिएको छ । सफाइमा राष्ट्रियसभा सदस्य कोमल वली, पूर्वमुख्यसचिव लीलामणि पौड्याललगायत सहभागी भए ।
सो क्रममा ‘मेची महाकाली सफाइ अभियान’को लोगो पनि सार्वजनिक गरियो । वाग्मती नदी किनारामा राष्ट्रियसभा सदस्य वली तथा प्रमुख अभियन्ता एवं पूर्वमुख्यसचिव पौड्यालले संयुक्त रूपमा लोगो सार्वजिक गरेका थिए । कार्यक्रममा मेची महाकाली सफाइ अभियानका अभियन्ता विष्णु आचार्यको पनि सहभागिता थियो ।
वाग्मती सफाइ महाअभियानले हरेक साता शनिबार बिहान दुई घण्टा नदी सरसफाइसँगसँगै घरदैलोमा स्वयंसेवक परिचालन गरेर सरसफाइबारे जनचेतना जगाउँदै आएको छ ।
प्रकाशित मिति: शनिबार, फागुन ८, २०७७ १५:३२
प्रतिक्रिया दिनुहोस्