काठमाडौ ।विपन्न नागरिकलाई गाउँमै गुणस्तरीय स्वास्थ्य सेवा उपलब्ध गराउन स्थापना गरिएको दुधकोशी सामूदायिक अस्पतालबाट विशेषज्ञसहितको चिकित्सकीय सेवा प्रवाह गर्न धुलिखेल अस्पतालले साथ दिने भएको छ ।  सोलुखुम्बु जिल्लाको थुलुङ दुधकोशी गाउँपालिका वडा.न. ६ मुक्लीमा निर्माणधीन रहेको पचास शैयाको दुधकोशी सामूदायिक अस्पतालबाट विशेषज्ञसहितको चिकित्सकीय सेवा प्रवाह गर्न धुलिखेल अस्पताल र थुलुङ दुधकोशी गाउँपालिकाबीच सम्झौता भएको हो । 

सम्झौतापत्रमा एक समारोहबीच  थुलुङ दुधकोशी गाउँपालिकाका अध्यक्ष असिम राई र धुलिखेल अस्पतालका प्रशासनिक निर्देशक डा. रमेश मकाजुले हस्ताक्षर गरेका छन् ।