बीबीसी । भारतको दक्षिणतर्फ रहेको एक मन्दिरबाट ४० वर्ष अगाडि काँसका केही मूर्तिहरु चोरी भएको थियो जुन अहिले मात्र बेलायतमा फेला परेपछि भारत सरकारलाई फिर्ता गरिएको छ ।
चोरी भएका भगवान् राम, सिता अनि लक्समनका ती मूर्तिहरु १५ औँ शताब्दीमा बनेको तामिलनाडुको विजयनगर मन्दिरमा राखिएको थियो । कुनै समय विजयनगर विश्वकै सबैभन्दा महत्वपूर्ण व्यवसायिक केन्द्र रहेको मानिन्थ्यो र त्यसैबीच १९७८ मा ती मूर्तीहरु चोरी भएका हुन् । अहिले ती मूर्ति फिर्ता ल्याउनका लागि पनि विभिन्न जागरुक समुह, बेलायत र भारत दुुवै देशका पुलिस अनुसन्धान टोली अनि बेलायतमा रहेका भारतीय कूटनीतिज्ञहरुले धेरै संघर्ष गर्नुपरेको छ ।
चारवर्ष अगाडि चोरिएका मध्ये एउटा मूर्तिको तस्बिर एन्टिक सरसामान विक्री गर्ने बेलायती वेबसाइटमा देखा परेको थियो । त्यसैबेलादेखि आफ्नो सम्पदा फिर्ता ल्याउने काममा भारतबाट सबै जुटेका हुन् । गत वर्ष लन्डनमा रहेका अनुसन्धान समुहका स्वयमसेवकले सेलमा राखिएका ऐतिहासिक वस्तुको खोजी गर्दैगर्दा फरक ताज लगाइएको तर आफूहरुले खोजेजस्तै मूर्ती फेला पारेका थिए । त्यसपछि नै उनीहरुले बेलायतमा अवस्थित हाइ कमिसन अफ इन्डियाकहाँ पुगेर पुलिसलाई यसबारे जानकार गराए ।
यसलगत्तै पुलिसहरुले त्यसलाई विक्री गर्न विज्ञापन गरेको डिलरसँग सम्पर्क गरे मूर्ति भारतमा ल्याउने कानुनी प्रक्रिया सुरु गरेका हुन् । मूर्तीका साथै उनीहरुले १९९८ मा अरुपनि यस्तै अपराधमा संलग्न तीनजना पुरुषबारे पत्ता लगाएका छन् ।
ती मूर्तिहरु कलात्मक वस्तु नभएर पूजा एवम् प्रार्थना गर्नका लागि बनाइएको हुनाले पनि सबै हिन्दुहरुका लागि सो सम्पदा अति बहुमूल्य मानिएको थियो । ४० वर्ष अगाडि, त्यो समयमा मूर्तिलाई भारतबाट बेलायतसम्म कसरी तस्करी गरियो भन्ने चाहिँ अझै रहस्यमयी भएको बताइएको छ ।