बाह्रखरी
भर्खरै
sticky  ncell
अर्थ व्यवसाय प्रतिक्रिया दिनुहोस्
Jagadamba Group
Jagadamba Group
कलंकी-नागढुंगा सडकमा मर्मत सुरु
बाह्रखरी - बुधबार, भदौ ३१, २०७७
Laxmi Bank
Laxmi Bank

काठमाडौं । गत वर्ष निर्माण सम्पन्‍न भएको त्रिपुरेश्‍वर-कलंकी-नागढुंगा सडकमा मर्मतको काम भइरहहेको छ । निर्माण सम्पन्‍न भएको १३ महिनासम्म निर्माण कम्पनीले नै मर्मत गर्नुपर्ने भएकाले सोहीअनुसार मर्मत भइरहेको हो ।

त्रिपुरेश्‍वरदेखि कलंकीसम्मको मर्मत भइसकेकाले कलंकीदेखि नागढुंगा खण्डमा मर्मत भइरहेको काठमाडौं उपत्यका सडक विस्तार आयोजनाले जनाएको छ । आयोजना प्रमुख गुरु अधिकारीका अनुसार निर्माण सम्पन्न भएपछिको १३ महिनासम्ममा जुनजुन कम्पनीले सडक निर्माण गरेको हो, समस्या आउँदा उसैले मर्मत गर्नुपर्छ । “यस खण्डमा देखिएको त्रुटि सच्याउने काम भइरहेको छ,” प्रमुख अधिकारीले भने, “यो खण्डमा काम भएपछि नै डिभिजन सडक कार्यालयलाई हस्तान्तरण गरिनेछ ।”

Rohto Landing

Agani Group

उपत्यकाको विस्तारित सडकमध्ये यो सबैभन्दा पहिले निर्माण सकिएको हो । पाँच वर्षपहिले नै सडक विस्तारका लागि ठेक्का सम्झौता भए पनि सडकसँगै घर भएका स्थानीय बासिन्दाको अवरोधका कारण दुई वर्षसम्म निर्माण ठप्प थियो । स्थानीय बासिन्दाले घर भत्काउन नमानेपछि सरकारले उपलब्ध चौडाइमा कालोपत्र गर्ने निर्णय गरेको थियो । सोही निर्णयका आधारमा चाबहिल-साँखु सडकसँगै यो सडकको निर्माण भएको थियो ।

उपलब्ध चौडाइमा मात्रै सडक निर्माण गर्दा झन्डै आधा लम्बाइमा मापदण्डनुसार चौडाइ कायम भएको छ । मापदण्डअनुसार २२ मिटर चौडाइ कायम भएका स्थानमा मात्रै आयोजनाले दुवैतर्फ ह्‍युमपाइप र पैदलयात्रु मार्ग निर्माण गरेको छ । चौडाइ कम भएका स्थानमा सडक उपलब्ध भएपछि नै पैदलयात्रु मार्ग निर्माण गरिनेछ ।

sarbottam cement

Nepal Investment bank
Sunrise bank
Nepal Investment bank
Sunrise bank
बुधबार, भदौ ३१, २०७७ मा प्रकाशित
TATA Landing
Dishhome
TATA Landing
Dishhome
प्रतिक्रिया दिनुहोस्