राजनीति
काठमाडौं । प्रधानमन्त्रीमा निर्वाचित हुन लाग्दा पनि माओवादी केन्द्रका अध्यक्ष पुष्पकमल दाहाल प्रचण्डले आफू खुसी नभएको बताएका छन् । व्यवस्थापिका–संसद्मा आफ्नो उम्मेदवारी प्रस्तुत गर्दै उनले सदनमा दलहरू बिभाजित भएकाले आफू खुसी हुन नसकेको बताएका छन् ।
उनले भने, “प्रधानमन्त्रीमा मेरो एक्लो उम्मेदवारी त परेको छ । तर पनि सदनमा दलहरू विभाजित भएकाले म खुसी हुन सकेको छैन ।”
उनले नेकपा एमालेले प्रधानमन्त्रीमा उम्मेदवारी नदिनुले सहमति र सहकार्यको ढोका खुला गरेको रुपमा आफूले बुझेको भन्दै आगामी दिनमा सहमतिको मार्ग प्रशस्त गरेको बताए । आफूले सुरुदेखि नै राष्ट्रिय सहमतिको सरकारको आवश्यकता बोध गरेकाले राष्ट्रिय मुद्दामा सहमतिको आवश्यकता रहेको औँल्याए ।
प्रकाशित मिति: बुधबार, साउन १९, २०७३ १२:५९
प्रतिक्रिया दिनुहोस्