नयाँदिल्ली । एयर इण्डिया महिला स्टाफलाई यौन शोषणको विवादमा तानिएको छ । सो एयरलाइन्सले अहिले आफ्ना सिनियर क्याप्टेनलाई यसबारेमा सोधपुछ गरिरहेको बताइएको छ ।
महिला पाइलटले एयरलाइन्सको प्रवन्धन समक्ष आफूमाथिको यौन शोषणको बारेमा उजुरी हालेकी थिइन् । एयर इण्डियाका प्रवक्ताका अनुसार महिला पाइलटले प्रबन्धनलाई दिएको उजुरीमा सिनियर पाइलटले उनीसँग कैयौं पटक अनुचित प्रश्न सोध्ने गरेका थिए ।
उनले उजुरीमा जनाएअनुसार ‘हाम्रो तालिम सेसन सकिएपछि इन्स्ट्रक्टरले हामीलाई हैदरावादको एक रेस्टुरेन्टमा डिनर गर्न सुझाव दिएका थिए । म कैयौं उडानमा उनको साथ हुन्थेँ । त्यसबेलामा उनी शालिन थिए । त्यसैले म उनीसँग रेस्टुरेन्ट जान राजी भएँ । हामी राति करिब ८ बजे रेस्टुरेन्ट गयौं र त्यही बेलामा ममाथि गलत हर्कत शुरु भयो ।’
महिला पाइलटले उजुरीमा भनेकी छन्, ‘उनले मलाई आफ्नो वैवाहिक जीवनमा उनी कति निराश छन् भन्ने कुरा बताउन थाले । उनले मलाई आफ्नो पतिसँग कस्तो छ भनेर पनि सोधे । अनि मलाई दैनिक यौन सम्बन्ध राख्न जरुरी पर्छ कि पर्दैन भनेर पनि सोधे । मैले यो बारेमा कुरा गर्न चाहन्न भनें । त्यसपछि मैले गाडी बोलाएँ ।’
(एनडीटिभी)