खेल
एजेन्सी । फ्रान्सेली स्टार खेलाडी एन्टोनी ग्रिजम्यानले एट्लेटिको मड्रिड छाड्ने भएका छन् । क्लबका फरवाड ग्रिजम्यानले सिजनको अन्त्यसँगै क्लब छाड्ने घोषणा गरेका हुन् ।
उनले एट्लेटिकोसँग ५ वर्षको सम्झौता गरेका थिए । ग्रिजम्यानले शनिबार हुने लेभान्टेविरुद्वको खेल आफ्नो अन्तिम खेल हुने उनले बताए । यता लिग च्याम्पियन बार्सिलोना उनलाई अनुबन्धन गर्न चाहन्छ । बार्सिलोनाले उनलाई १ सय २० मिलियन युरोसम्म तिर्न तयार भएको अन्तरराष्ट्रिय सञ्चारमाध्यमहरुले बताएका छन् ।
२८ वर्षिय ग्रिजम्यानले क्लबका लागि २ सय ५६ खेलमा १ सय ३३ गोल गरेका थिए । उनी सन् २०१४ मा रियल सोसिडाडबाट एट्लेटिको आएका थिए ।
प्रकाशित मिति: बुधबार, जेठ १, २०७६ ११:३६
प्रतिक्रिया दिनुहोस्