काठमाडौं ।

प्रहरीले यसरी तोकिएको भन्दा बढी भाडा असुलेको पाइएपछि तीन दिनमा ५ सय भन्दा बढीको रकम फिर्ता गराएको छ । काठमाडौं प्रहरीकाअनुसार यसरी यात्रुलाई ठगी गर्ने १६ जनालाई ठगी मुद्दा चलाएको छ । प्रहरीले यात्रु ठगिन नपरोस् भनेर प्रत्येक बस काउन्टरमा निरीक्षण गरेको नाएको छ ।

“सेवा गर्ने बहानामा ठगी गर्नु अपराध हो,” महानगरीय प्रहरी परिसर काठमाडौंका एसएसपी बिक्रम थापाले बाहखरीसँग भने,“नागरिकलाई सेवाको भाव देखाएर ठगी गर्नेलाई हामीले पक्राउ गरी मुद्दा चलाएका छौं ।”

थापाले आफू नै प्रत्येक दिन फिल्डमा खटिएको बताउँदै बढी भाडा असुल्न खोजे प्रहरीलाई खबर गर्न यात्रुसँग आग्रह गरेका छन् । 

“तपाईंहरुले बढी भाडा तिरेर यात्रा गर्नुपरेको छ भने प्रहरीलाई खबर गर्नुस्,” थापाले भने,“तोकिएको भाडाभन्दा एक रुपैयाँ पनि बढी तिर्नुपर्दैन ।” उनले १०० मा डायल गरेर बढी भाडा लिएको बस नम्बर टिपाउन समेत आग्रह गरेका छन् ।