काठमाडौं ।

रक्तचाप न्यून देखिएपछि अस्पताल भर्ना भएका नेपाली कांग्रेसका महामन्त्री डा. शशांक कोइरालाको स्वास्थ्यमा सामान्य सुधार आएको अस्पतालले जनाएको छ ।

अस्पतालका एमडी डा. हरिकिशोर श्रेष्ठले उहाँको ब्लड प्रेसर, मुटुको चाल र रगतमा अक्सिजनको मात्रा राम्रो देखिएको जानकारी गराएका थिए ।

नेपाली कांग्रेसका सभापति शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल प्रचण्डसँग डा. श्रेष्ठले यस्तो जानकारी गराएका हुन् ।

विहानदेखि अस्पतालमा रहेका देउवा दिउसो केहीबेर बाहिर निस्केर फेरि अस्पताल पुगेका थिए । 

दाहाल पनि सोही समयमा पुगेका थिए । 

“विहानभन्दा केही सुधार देखिएको छ,” श्रेष्ठले देउवा र दाहाललाई जानकारी गराउँदै भने,“अहिले अरु केही समस्या छैन । सर्किएपछि ‘स्पेरेटिभ निमोनिया’ छ । त्यो बाहेक अरु खासै ठुलो समस्या छैन ।”