बैंकिङ कसुरमा फरार रहेका व्यक्ति पक्राउ

देश

बैंकिङ कसुरमा फरार रहेका व्यक्ति पक्राउ

सोमबार, जेठ २६, २०८२

काठमाडौं । बैंकिङ कसुरमा फरार रहेका एक अभियुक्त पक्राउ परेका छन् । काठमाडौं उपत्यका अपराध अनुसन्धान कार्यालय टेकुले कञ्चनपुरको भीमदत्त नपा १का ३९ वर्षीय रामबहादुर विष्टलाई आइतबार पक्राउ गरेको हो ।

उच्च अदालत पाटन ललितपुरले को ०७८ कात्तिक १४को फैसलाअनुसार अभियुक्तलाई २० लाख जरिबाना, सात दिन कैद र ८० हजार क्षतिपूर्ति तोकिएको थियो ।

उपत्यका अपराध अनुसन्धान कार्यालयको टोलीले उनलाई काठमाडौंको पुतलीसडकबाट पक्राउ गरेको हो । फैसला कार्यान्वयनका लागि सोमबार उनलाई काठमाडौं जिल्ला अदालत पठाइएको थियो ।

जिल्ला अदालतको फैसलाले उनलाई कारागार कार्यालय डिल्लीबजार चलान गरिएको प्रहरी उपरीक्षक मनोहरप्रसाद भट्टले जानकारी दिए ।