भिजिट भिसा प्रकरणमा गृहमन्त्री लेखक संलग्न नरहेको कांग्रेसको निष्कर्ष

राजनीति

भिजिट भिसा प्रकरणमा गृहमन्त्री लेखक संलग्न नरहेको कांग्रेसको निष्कर्ष

सोमबार, जेठ १२, २०८२

भिजिट भिसा प्रकरणमा गृहमन्त्री लेखक संलग्न नरहेको कांग्रेसको निष्कर्ष

काठमाडौं । नेपाली कांग्रेसले भिजिट भिसा प्रकरणमा गृहमन्त्री रमेश लेखक संलग्न नरहेको निष्कर्ष निकालेको छ । सोमबार देउवा निवास बूढानीलकण्ठमा बसेको पदाधिकारी बैठकले गृहमन्त्री संलग्न नरहेको निष्कर्ष निकालेको हो ।

बैठक राजीनामामा प्रवेश नगरेको उनको भनाइ छ । "छानबिनको दायरामा गृहमन्त्री हुनुहुन्नु, उहाँमाथि उजुरी छैन । उहाँ दोषी भन्न मिल्दैन," बैठकपछि प्रवक्ता प्रकाशशरण महतले भने ।

महतका अनुसार, बैठकमा गृहमन्त्री लेखकले आफ्नो कुनै संलग्न नरहेको बताएका थिए । "गृहमन्त्रीज्यूले जुन विषय अहिले सार्वजनिकरूपले मिडियामा, सामाजिक सञ्जालमा आएको छ, त्यस सम्बन्धमा उहाँले आफ्नो कुरा सविस्तार राख्नुभयो । तर, आफ्नो कुनै पनि हिसाबको संलग्नता छैन, मैले कुनै पनि कमजोरी गल्ती गरेको छैन भनेर सविस्तार राख्नुभयो," उनले भने ।