व्यक्ति र संस्थाको नाममा भएको लालपुर्जा खारेज गर्नुपर्छ : मेटमणि चौधरी

राजनीति

व्यक्ति र संस्थाको नाममा भएको लालपुर्जा खारेज गर्नुपर्छ : मेटमणि चौधरी

मंगलबार, जेठ ६, २०८२

व्यक्ति र संस्थाको नाममा भएको लालपुर्जा खारेज गर्नुपर्छ : मेटमणि चौधरी

काठमाडौं । नेकपा (एकीकृत समाजवादी)का प्रमुख सचेतक मेटमणि चौधरीले भूमि राज्यको स्वामित्वमा ल्याउनुपर्ने बताएका छन् ।

प्रतिनिधिसभाको मंगलबारको बैठकमा भूमिसम्बन्धी अध्यादेशको छलफलमा उनले व्यक्ति र संस्थाको नाममा भएको कित्ता नम्बर र लालपुर्जा खारेज गर्नुपर्ने बताए ।

“भूमि राज्यको हुनुपर्छ । जति भूमि छ सबै सरकारको स्वामित्वमा ल्याउनुपर्छ । आवश्यकताको आधारमा समय अवधि कन्फर्म गरेर व्यक्ति र समूहलाई दिनुपर्छ,” उनले भने, “विभिन्न व्यक्ति र संघसंस्थाको नाममा कायम भएको स्वामित्व, कित्ता नम्बर र लालपुर्जा आजैदेखि खारेज गर्नुपर्छ ।”

यसो भए मात्रै समतामूलक समाज निर्माण हुने उनको भनाइ छ । उनले भूमि विधेयक जसरी आएको छ त्यो बेठिक भएको बताए ।