काठमाडौं । भारतीय जनता पार्टी (भाजपा)का राष्ट्रिय प्रवक्ता नलिन कोहलीले पाकिस्तानमा भारतको हवाई आक्रमणप्रति प्रतिक्रिया दिएका छन् । "कोही पनि युद्ध चाहँदैनन्," उनले बीबीसी विश्व सेवाको न्यूजआवर कार्यक्रममा भने ।

उनले थप भने, "भारत आफ्ना नागरिकहरूको अधिकारको रक्षा गर्नबाट पछि हट्ने छैन र आतंककारीहरूलाई समर्थन गर्ने वा आश्रय दिने सञ्जालहरूमा आधारित शक्तिको खेलमा भारतीयहरूको रगत बगाउन नदिने कुरा सुनिश्चित गर्नेछ ।"

उनले भने, "भारतले ती निशानाहरूमा मात्र आक्रमण गर्‍यो जुन आतंकवादी संगठनहरूसँग प्रत्यक्ष रूपमा सम्बन्धित थिए र पाकिस्तानी सेनासँग सम्बन्धित कुनै पनि कुरालाई लक्षित गरेन ।"