विराटनगर । प्रधानमन्त्री केपी ओलीले सगरमाथाको नाम सगरमाथा नै उपयुक्त भएको बताएका छन् ।

बिहीबार (वैशाख १८) विराटनगरमा कोसी प्रदेश लगानी सम्मेलन उद्घाटन गर्दै उनले माउन्ट एभरेस्ट नाम कसरी रहन गयो भन्नेमा आफूलाई अचम्म लागेको बताए । “सगरमाथा चढेका होइनन्, तर पनि किन हो नाम एभरेस्ट रहन गयो । नामहरू दुईवटा हुँदैनन्, एउटै हुन्छ । त्यसैले सगरमाथा नै हो,” उनले भने ।

प्रधानमन्त्री ओलीले नेपालका हिमालहरू पर्यटकीय दृष्टिकोणले अति नै महत्त्वपूर्ण भएको चर्चा गरे । कोसी प्रदेशमा हिमाल अझ धेरै भएकाले प्रशस्तै पर्यटन सम्भावना भएको उनले उल्लेख गरे ।