काठमाडौं । आन्दोलनका क्रममा शिक्षकहरूले देखाएको संयमताको गृहमन्त्री रमेश लेखकले प्रशंसा गरेका छन् । 

शिक्षक महासंघसँगको वार्तालगत्तै बसेको मन्त्रिपरिषद् बैठकपछि सञ्चारकर्मीहरूसँग कुरा गर्दै उनले विद्यालयमा सिकाउने शिक्षकहरूले सडकबाट पनि सबैलाई सन्देश दिएको बताए । 

आन्दोलनका क्रममा शिक्षकहरूले कुनै पनि अभद्र व्यवहार नगरेकोमा गृहमन्त्रीले प्रशंसा गरे । बरु केही शिक्षक घाइते भएको भन्दै उनले त्यसमा सरकारका तर्फबाट दुःख व्यक्त गरे ।